Gujarati News

ભાવનગરની સર ટી.હોસ્પિટલમાં ગઈકાલના ચાર અને આજે દાખલ કરવામાં આવેલ અન્ય છ શંકાસ્પદ દર્દીઓના રીપોર્ટ નેગેટીવ આવ્યાનું જિલ્લા વિકાસ અધિકારી વરૂણકુમાર બરનવાલે જણાવ્યું હતું.

ભાવનગરની સર ટી.હોસ્પિટલમાં તા.31ના સાંજ સુધીમાં દાખલ કરવામાં આવેલ 4 શંકાસ્પદ દર્દી,તેમજ આજે તા.1લી એપ્રિલના રોજ દાખલ કરવામાં આવેલ ભાવનગર શહેર અને જિલ્લાના 7 પુરુષ ,7મહિલા અને બે બાળકો મળી કુલ 16 શંકાસ્પદ દર્દીઓને આઇસોલેશન વોર્ડમાં દાખલ કરવામાં આવ્યા હતા.દાખલ કરવામાં આવેલા દર્દીઓના સેમ્પલ લઈને પરીક્ષણ માટે મોકલવામાં આવ્યા હતા,જે પૈકી ગઈકાલના 4 અને આજે દાખલ કરવામાં આવેલ 6 દર્દી મળી 10 દર્દીઓના રીપોર્ટ નેગેટીવ આવ્યા હોવાનું તેમજ અન્ય 6 વ્યક્તિઓના રીપોર્ટ આવવાના બાકી હોવાનું વિકાસ અધિકારીએ જણાવ્યું હતું.

ભાવનગરની સર ટી.હોસ્પિટલના આઇસોલેશન વોર્ડમાં હાલ અગાઉના 4 પોઝિટિવ રીપોર્ટવાળા દર્દી તેમજ બાકી રીપોર્ટવાળા અન્ય 6 મળી કુલ 10 દર્દીઓ સારવાર હેઠળ રાખવામાં આવ્યા છે.