Gujarati News

Gujarati News

News of Monday, 1st March 2021

ધો.૧૦માં અભ્યાસ જ પુર્ણ થયો નથી ત્યારે ૮૦ માર્કનું પેપર કેવી રીતે?

(ગીરીશ પટેલ દ્વારા) માણાવદર તા.૧ : કોરોનાના કારણે સમગ્ર દેશમાં અર્થતંત્રની ઉથલ સાથે સમગ્ર સ્કુલ કોલેજોમાં પણ અભ્યાસ બંધ થયો હતો ત્યારે એસએસસી બોર્ડ દ્વારા ધો.૧૦માં ૮૦ માર્કનું પેપર લેવાની થયેલ જાહેરાતથી ચર્ચા જાગી છે.

એકબાજુ ધો.૧૦નો અભ્યાસ પુર્ણ થયો નથી સ્કુલો પણ કોરોનાના વાયરસ ન લાગે તેવી બીકે બીતા બીતા અભ્યાસ ચાલુ થયાને ગણતરીના દિવસો થયા છે તેમજ ઓનલાઇન વાસ્તવમાં અભ્યાસ વિદ્યાર્થીઓ સમજી શકયા નથી ત્યારે ૮૦ માર્ર્કનું પેપર લેવા સામે વાલીઓમાં ટેન્શન વ્યાપ્યુ છે.

એવી ચર્ચા કરી રહ્યા છે કે અભ્યાસ જ નથી થયો ત્યારે પેપર કઇ રીતે ૮૦ માર્કનું આપશે? વાલીઓમાં ટેન્શન સાથે વિદ્યાર્થીઓ પણ ઓર ટેન્શનમાં આવી ગયા છે પેપરમાં શું કરવુ? ત્યારે વિદ્યાર્થીઓના હિતમાં ઓછા માર્કનું પેપર થવુ જરૂરી નહી તો નુકશાની વિદ્યાર્થીઓના ભવિષ્યને થશે.

ઘણી જગ્યાએ અભ્યાસક્રમની ચિંતામાં આપઘાતના બનાવો બનેલ છે તેવા બનાવો બને નહિ તે જરૂરી છે. વાલીમાંથી માંગ ઉઠી છે કે પરીક્ષામાં અભ્યાસક્રમ ચાલ્યો જ નથી તે કેવી રીતે પરીક્ષા લઇ શકાય? તાકિદે યોગ્ય કરવા વિદ્યાર્થી વાલીઓમાંથી માંગ ઉઠવા પામી છે.

(12:14 pm IST)
  • સેન્‍સેકસમાં ૭૦૦ થી વધુ પોઇન્‍ટનો ઉછાળોઃ નીફટી ૧૪૭૦૦ની ઉપર : મુંબઇ : સપ્‍તાહના પ્રારંભે શેરબજારમાં તેજીનું વાવાઝોડુ ફુકાયુ છે. ૧૦ વાગ્‍યે સેન્‍સેકસ ૭ર૪ પોઇન્‍ટ વધીને ૪૯૮ર૪ અને નીફટી ર૧૯ પોઇન્‍ટ વધીને ૧૪૭૪૮ ઉપર ટ્રેડ કરે છે. પાવર ગ્રીડ, અલ્‍ટ્રાટેક, ઓએનજીસી ૪ ટકા જેટલા ઉછળ્‍યા. access_time 11:22 am IST

  • રીવરફ્રન્ટ ઉપર વધુ એક મહિલાએ આત્મહત્યાનો પ્રયાસ કર્યો :અમદાવાદના રાયપુર વિસ્તારમાં રહેતી એકે મહિલાએ સાબરમતી રીવરફ્રન્ટ પર કુદીને આત્મહત્યાનો -યાસ કર્યો હતો. અમદાવાદ રિવરફ્રન્ટ પર પુલથી મહિલા જેવી જ નદીમાં કુદી ફાયરબ્રિગેડની સ્પીડ બોટ તુરંત ઘટનાસ્થળે પહોચી ગઇ હતી અને મહિલાનો જીવ બચાવ્યો હતો. મહિલાને તે બાદ રીવરફ્રન્ટ પોલીસ સ્ટેશને લઇ જવામાં આવી હતી. પોલીસ હવે મહિલાના આત્મહત્યાના કારણની તપાસ કરશે અને તે બાદ વધુ કાર્યવાહી હાથ ધરશે. access_time 4:27 pm IST

  • અમેરિકામાં ફરી કોરોના કેસો ઘટવા લાગ્યા, છેલ્લા ૨૪ કલાકમાં ૪૯ હજાર નવા કેસ નોંધાયા: બ્રાઝિલમાં ૩૪ હજાર, ફ્રાન્સમાં ૧૯ હજાર, ઇંગ્લેન્ડ અને જર્મનીમાં ૬ હજાર ભારતમાં ૧૫૫૦૦ અને યુનાઈટેડ આરબ અમીરાતમાં થોડા ઘટીને ૨૯૦૦ નવા કેસ નોંધાયા છે: જ્યારે ઓસ્ટ્રેલિયામાં ૫, ચીનમાં ૧૯ અને હોંગકોંગમાં ૨૨ નવા કોરોના કેસ નોંધાયા access_time 12:25 pm IST