Gujarati News

Gujarati News

News of Monday, 1st March 2021

પત્રકાર આલમમાં ઘેરા શોકની લાગણી

જામનગરના જાણીતા પત્રકાર ગિરીશભાઇ ગણાત્રાના યુવાન પુત્ર ગુંજનનું જામનગર - ખંભાળીયા હાઇવે ઉપર બે બાઇક સામસામે અથડાતા અકસ્‍માતમાં કરૂણ મૃત્‍યુ

(મુકુંદ બદિયાણી દ્વારા) જામનગર તા. ૧ : જામનગર - ખંભાળિયા હાઇવે પર એરપોર્ટ નજીક જામનગરના પત્રકાર ગિરીશ ગણાત્રા ના યુવાન પુત્ર ગુંજનનું બાઈક સામસામે અથડાતાં ઘટના સ્‍થળે મૃત્‍યુ નિપજયું છે.  જયારે અન્‍ય એક ઇજાગ્રસ્‍ત હાલતમાં સારવાર માટે હોસ્‍પીટલ ખસેડવામાં આવ્‍યો છે. મોડીરાત્રે અકસ્‍માતના આ બનાવથી આશાસ્‍પદ યુવાનનું મૃત્‍યુ નિપજતા ગમગીની ફેલાઈ છે.

જામનગરના ભૂમિ દૈનિકના પત્રકાર ગિરીશભાઇ ગણાત્રાના પુત્ર ગુંજન ગિરીશભાઇ ગણાત્રા (ઉ.વ.૩૦)નું રવિવાર તા. ૨૮-૨-૨૦૨૧ના રોજ દુઃખદ અવસાન થયું છે. સદ્‌ગતની અંતિમયાત્રા તેમના નિવાસસ્‍થાન ગોલ્‍ડન નેસ્‍ટ એપાર્ટમેન્‍ટ (આરામ હોટલની બાજુમાંથી) આજે બપોરે ૧૧ વાગ્‍યે નિકળી હતી. અને ગાંધીનગર મોક્ષ મંદિરમાં અંતિમ વિધિ કરાઇ હતી. તસ્‍વીરમાં અકસ્‍માતગ્રસ્‍ત બાઇક તથા મૃતક ગુંજન ગણાત્રાનો ફાઇલ ફોટો તથા મૃતદેહ નજરે પડે છે. (તસ્‍વીર : કિંજલ કારસરીયા)

(11:56 am IST)
  • ટ્રેકટરો બળતણ ભરેલા સાથે તૈયાર રહેવાનું હજ્‍જારો ખેડૂતોને જણાવાયું છે, દિલ્‍હી માટે ગમે ત્‍યારે ‘કોલ' આપી શકાય છે : કથિત ખેડૂત નેતા રાકેશ ટિકૈત access_time 11:37 am IST

  • સેન્‍સેકસમાં ૭૦૦ થી વધુ પોઇન્‍ટનો ઉછાળોઃ નીફટી ૧૪૭૦૦ની ઉપર : મુંબઇ : સપ્‍તાહના પ્રારંભે શેરબજારમાં તેજીનું વાવાઝોડુ ફુકાયુ છે. ૧૦ વાગ્‍યે સેન્‍સેકસ ૭ર૪ પોઇન્‍ટ વધીને ૪૯૮ર૪ અને નીફટી ર૧૯ પોઇન્‍ટ વધીને ૧૪૭૪૮ ઉપર ટ્રેડ કરે છે. પાવર ગ્રીડ, અલ્‍ટ્રાટેક, ઓએનજીસી ૪ ટકા જેટલા ઉછળ્‍યા. access_time 11:22 am IST

  • જાન્યુઆરીમાં જીએસટી કલેક્શન ૧.૧૩ લાખ કરોડ :જાન્યુઆરી 2021ના મહિનાનું જી.એસ.ટી. કલેક્શન ૧.૧૩ લાખ કરોડ ને આંબી જાય તેવા વાવડ મળે છે.( ન્યૂઝફર્સ્ટ) access_time 7:20 pm IST