Gujarati News

કોડીનાર તા. ૧ :.. કોડીનાર તાલુકાનાં પિઠવા ગામની મુસ્લીમ યુવતીનું અપહરણ કરી નરસી પુંજા વાળાએ અવારનવાર બળાત્કાર ગુજારી અને દુષ્કર્મની પિડીતા એ પુત્રીને જન્મ આપ્યા બાદ ચેતન ઉર્ફે મુન્નો ધીરજલાલ દેવમુરારી નામનો શખ્સ પીડીતાને તેના ઘરેમુકી આવવાનું કહી અલગ અલગ ગામોમાં લઇ દુષ્કર્મ આચર્યાનાં અને બીજા પંચ શખ્સોએ આ કેસમાં અપહરણથી માંડી દુષ્કર્મમાં મદદગારી કરી પિડીતાની છેડતી કર્યાની ફરીયાદ કોડીનાર પોલીસ સ્ટેશનમાં નોંધાયા બાદ આ દુષ્કર્મ કેસ ઉના સેશન્સ કોર્ટમાં ચાલી જતાં ઉના સેશન્સ કોર્ટ ગત તા. ર૪-૧-૧૮નાં આ કેસમાં ચુકાદા આપી કુલ ૭ આરોપીઓએ ૩ વર્ષથી લઇ ૧૦ વર્ષ સુધીની  ફટકારી હતી. જેમાં નરસી પુંજા વાળા અને દિનેશ લુંભા ગોહીલને ૭-૭ વર્ષ સખ્ત કેદ અને રૂ. પ૦ હજારનાં દંડની સજા જયારે ચેતન ઉર્ફે મુન્નો ધીરજલાલ દેવમુરારીને ૧૦ વર્ષની સખ્ત કેદની સાથે રૂ. પ૦૦૦ હજારનાં દંડ ન સજા ફટકારી હતી. જયારે હરી કાના વાળા, ધીરૂ કાના વાળા, વજુ પુના વાળાને સાડા ત્રણ વર્ષની સખ્ત કેદ અને રૂ. ૧૦ હજારનાં દંડ ની સજા ફટકારી હતી.

કોર્ટના આ હુકમથી દુષ્કર્મ પિડીતા મુસ્લીમ યુવતીની સંતોષ ન થતાં નરાધમો એ ભયંકર ગુનો આચરેલ હોય તેમનાં  માટે ફાંસીની જ સજા મળવી જોઇએ તેવી માંગ સાથે  પીડીતા આ ચુકાદા સામે હાઇકોર્ટમાં અપીલ કરી મુખ્ય  આરોપીઓને ફાંસીની સજા અનેરૂ. પ લાખનો દંડ કરવા અને દુષ્કર્મથી પિડીતાનાં કુખે થયેલ પુત્રીનું આજીવન ભરણ પોષણની જવાબદારી નકકી કરી અન્ય આરોપીઓને પણ કડક સજા ફટકારવા હાઇકોર્ટનાં દ્વાર ખખડાવશે. અને આ માટે  અપીલ કરવાની તજવીજ હાથ ધરી છે.