Gujarati News

રાજકોટ, તા. ૧ :. રાજકોટ સહિત સૌરાષ્ટ્ર-કચ્છમાં સર્વત્ર ટાઢોડુ યથાવત છે અને લઘુતમ તાપમાનનો પારો સતત નીચે ઉતરતા શિયાળાની જમાવટથી લોકો ધ્રુજી રહ્યા છે.

આજે પણ ગિરનાર પર્વત ઉપર ૫.૩, નલીયા ૭.૨, ભૂજ ૮.૬, કેશોદ ૯.૨, રાજકોટમા ૧૦.૧ ડિગ્રી લઘુતમ તાપમાન નોંધાયુ છે.

કડકડતી ઠંડીથી લોકો ધ્રુજી ઉઠયા છે અને મોડી રાત્રીના રસ્તાઓ સુમસામ થઈ જાય છે.

• જુનાગઢ

(વિનુ જોશી) જુનાગઢ સોરઠમાં ઠંડીનું  મોજુ યથાવત રહેતા લોકોની મુશ્કેલી વધી છે. આજે જુનાગઢમાં ૧૦.૩ ડીગ્રી અને ગીરનાર ખાતે પ.૩ ડીગ્રી નોંધાઇ હતી.

ગઇકાલની સરખામણીએ આજે જુનાગઢમાં સવારનું તાપમાન ર.૧ ડીગ્રીનાં વધારા સાથે ૧૦.૩ ડીગ્રી નોંધાયુ હતું. ઠંડીની સાથે વાતાવરણમાં ૬ર ટકા ભેજ રહેતા ઠંડી અને ઠારમાં કોઇ ફરક પડયો ન હતો.

બીજી તરફ આજે ગિરનાર પર્વત પર પ.૩ ડીગ્રી ઠંડી રહી હતી. ઠંડીની સાથે બર્ફીલો પવન પણ ફુંકાતાં પ્રવાસીઓ  સહિતનાં લોકો ધ્રુજી ઉઠયા હતાં. આગામી દિવસોમાં ઠંડીમાં વધઘટ રહેવાની શકયતા હવામાન વિભાગે વ્યકત કરી છે.