નીતિન ભારદ્વાજ અને ધનસુખ ભંડેરીને શુભેચ્છા આપતું ભાજપ
પેટા ચૂંટણીમાં ઈન્ચાર્જ તરીકે નિમણુંક કરાતા
રાજકોટઃ શહેર ભાજપ પ્રમુખ કમલેશ મીરાણી, મહામંત્રી દેવાંગ માંકડ, જીતુ કોઠારી તથા કિશોર રાઠોડે ગુજરાત મ્યુ.ફાઈનાન્સબોર્ડનાં ચેરમેન ધનસુખ ભંડેરી તથા પ્રદેશ ભાજપ અગ્રણી નીતિન ભારદ્વાજને શુભેચ્છા પાઠવતા જણાવ્યું હતુ કે ગુજરાતમાં યોજાનાર પેટા ચૂંટણીઓમાં ભાજપનો ભવ્ય વિજય થાય તે માટે રાજયનાં મુખ્યમંત્રી વિજયભાઈ રૂપાણી તથા પ્રદેશ ભાજપ પ્રમુખ જીતુભાઈ વાઘાણીની અધ્યક્ષતામાં યોજાયેલ બેઠકમાં વિવિધ વિધાનસભાની પેટા ચૂંટણીમાં પાર્ટીનાં આગેવાનોને જવાબદારીઓ સોપવામાં આવેલ છે. ત્યારે ધારી વિધાનસભામાં ગુજરાત મ્યુ.ફાઈનાન્સ બોર્ડનાં ચેરમેન ધનસુખભાઈ ભંડેરીને તેમજ લીંબડી વિધાનસભાની ચૂંટણીમાં પ્રદેશ ભાજપ અગ્રણી નીતિનભાઈ ભારદ્વાજને જવાબદારી સોંપેલ છે.
વર્ષોથી શહેર ભાજપનાં પ્રમુખથી લઈ અનેકવિધ જવાબદારીઓ સરકાર અને સંગઠનમાં સંભાળેલ છે ત્યારે ગુજરાત અને અન્ય રાજયોમાં યોજાતી ચૂંટણીઓમાં નિષ્ઠાપૂર્વક જવાબદારી સંભાળી પાર્ટીનો વિજય થાય તે માટે સતત ચિંતીત રહ્યા છે અને શહેર ભાજપને પણ પુરતુ માર્ગદર્શન હંમેશા કરતા રહ્યા છે. આગામી સમયમાં યોજાનારા પેટા ચૂંટણીમાં ભાજપનો ભવ્ય વિજય થશે. તેવા વિશ્વાસ સાથે ધનસુખભાઈ ભંડેરી તથા નિતીનભાઈ ભારદ્વાજને શહેરનાં તમામ શ્રેણીનાં કાર્યકર્તાઓએ આવકારી અભિનંદન પાઠવ્યા હતા.