થોરાળા પોલીસની ધોંસઃ બે દરોડામાં ૫૫ હજારનો વિદેશી દારૂ જપ્ત કરાયો
ગંજીવાડાના મુકેશ સાબરીયાના મકાનમાંથી ૪૩ હજારનો દારૂ કબ્જેઃ પરાગ બાવળીયાને રિક્ષામાં ૧૨૬૦૦ના દારૂ સાથે પકડી લેવાયો
રાજકોટઃ થોરાળા પોલીસે દારૂના ધંધાર્થીઓ પર ધોંસ બોલાવી છે. ગંજીવાડા-૩૩માં રહેતાં મુકેશ સામતભાઇ સાબરીયાના મકાનમાં દરોડો પાડી રૂ. ૪૩ હજારનો વિદેશી દારૂ જપ્ત કરાયો હતો. જ્યારે આજે ચુનારાવાડ ચોકમાંથી રિક્ષા નં. જીજે૩એયુ-૧૨૦૦માં ૧૨૬૦૦નો દારૂ રાખીને નીકળેલા પરાગ વિજયભાઇ બાવળીયા (કોળી) (ઉ.૨૧-રહે. ચુનારાવાડ-૨)ને પકડી લેવાયો હતો. પુછતાછમાં તે આ દારૂ ચુનારાવાડની નિતા લીલાભાઇ ટાંક પાસેથી લાવ્યાનું કબુલતાં તેની શોધખોળ થઇ રહી છે. પી.આઇ. બી. પી. સોનારાની રાહબરીમાં પીએસઆઇ આર. એમ. કોટવાલ, એએસઆઇ ડી. કે. ડાંગર, કોન્સ. મહેશભાઇ મંઢ, નિશાંતભાઇ પરમાર, વિજયભાઇ મેતા, વિજયભાઇ મકવાણા, રોહિતભાઇ કછોટ સહિતની ટીમ પેટ્રોલીંગમાં હતી ત્યારે વિજય મેતા, રોહિત કછોટ અને નિશાંત પરમાર તથા મહેશ મંઢની બાતમી પરથી આ બંને દરોડા પાડવામાં આવ્યા હતાં.