જીવનનગર રાષ્ટ્રીય રંગે રંગાયુ : પ્રજાસત્તાક પર્વની ઉજવણી
રાજકોટ ભારત જન વિજ્ઞાન જાથાના સહયોગથી જીવનનગર વિકાસ સમિતિ, વોર્ડ નં. ૧૦ જાગૃત નાગરિક મંડળ, મહાદેવધામ સમિતિ અને મહિલા મંડળના ઉપક્રમે ૭૨ માં પ્રજાસત્તાક પર્વની ઉજવણી મહાદેવધામના પટાંગણમાં ધ્વજવંદન સાથે કરાઇ હતી. રાષ્ટ્રીય એકતા રેલી, મશાલ સરઘસ, શૌર્ય ગીત, વેશભૂષા સહીત અનેકવિધ કાર્યક્રમો યોજવામાં આવ્યા હતા. સમિતિના પ્રમુખ એડવોકેટ જયંત પંડયા, વોર્ડ નં. ૧૦ ના ભાજપ પ્રમુખ રજનીભાઇ ગોલ, વોર્ડના ચુંટણી ઇન્ચાર્જ પરેશભાઇ હુંબલ, પૂર્વ કોર્પોરેટર અશ્વિનભાઇ ભોરણીયા, કિશોરભાઇ સોજીત્રા, મનીષભાઇ ડેડકીયા, વ્યોમભાઇ વ્યાસ, ડો. આશીષભાઇ મકવાણા, ભાવેશભાઇ બુંદેલા, કેતનભાઇ મકવાણા, પાર્થગોહેલ વગેરે ઉપસ્થિત રહ્યા હતા. સ્વાગત પ્રવચન મુકેશભાઇ પોપટે અને અંતમાં આભારવિધિ પંકજભાઇ મહેતાએ કરી હતી. સંચાલન ઉમેશ રાવ અને વિશેષ વ્યવસ્થા વિનુભાઇ ઉપાધ્યાય, કેતનભાઇ મકવાણા, અંકલેશભાઇ ગોહિલે સંભાળી હતી.