પુરૂષાર્થ ટ્રસ્ટ દ્વારા કોરોના વોરીયર્સનું સન્માન
વોર્ડ નં. ૪, પ, ૬ માં મ્યુ. કોર્પોરેશન આરોગ્ય કેન્દ્રમાં ધનવંતરી તથા સંજીવની રથમાં સેવા આપતા વોર્ડ ઓફીસર, મેડીકલ ઓફીસર, ડોકટર્સ, નર્સ, પ્યુન, ડ્રાઇવર સહીતના કોરોના વોરીયર્સનું સન્માન કરવા પુરૂષાર્થ યુવક મંડળ ચેરીટેબલ ટ્રસ્ટ દ્વારા એક સમારોહ યોજવામાં આવ્યો હતો. જેમાં ૧૫૬ કોરોના વોરીયર્સને મહાનુભાવોના હસ્તે 'કોરોના વોરીયર્સ એવોર્ડ ૨૦૨૦' એનાયત કરવામાં આવેલ. સર્વે કોરોના વોરીયર્સને પ્રોસાહીત કરવા શહેર ભાજપ પ્રમુખ કમલેશ મિરાણી, ધારાસભ્ય અરવિંદભાઇ રૈયાણી, મ્યુ. કમિશ્નર ઉદીત અગ્રવાલ, શહેર ભાજપ મહામંત્રી જીતુભાઇ કોઠારી, એએમસી હર્ષદભાઇ પટેલ, પૂર્વ કોર્પોરેટર અશ્વિનભાઇ મોલીયા, દલસુખભાઇ જાગાણી, પરેશભાઇ પીપળીયા, મુકેશભાઇ રાદડીયા, પ્રિતિબેન પનારા, દેવુબેન જાદવ, સજુબેન રબારી, વોર્ડ પ્રભારી અશોકભાઇ લુણાગરીયા, રમેશભાઇ અકબરી, રમેશભાઇ પરમાર તથા સ્થાનિક આગેવાનો ઉપસ્થિત રહેલ. સ્વાગત પ્રવચન સંસ્થાના પ્રમુખ અને શહેર ભાજપ મહામંત્રી કિશોરભાઇ રાઠોડે કરેલ. સંચાલન નરેન્દ્રભાઇ ભાડલીયાએ અને અંતમાં આભારવિધિ હરેશભાઇ પરમારે કરેલ.