માલધારી સોસાયટીમાં પૈસાના મામલે સલિમભાઇ અને રાહુલ વચ્ચે મારામારી

એક શખ્સ હુમલાની રાવ સાથે અને બીજો અકસ્માતમાં ઇજાની રાવ સાથે દાખલ થયોઃ પોલીસ નિવેદન નોંધે એ પહેલા જતાં રહ્યા

રાજકોટ તા. ૨૨: દૂધસાગર રોડ પર ડેરી પાસે રહેતાં સલિમભાઇ જુસબભાઇ વણાતરા (ઉ.વ.૪૪) સાંજે માલધારી સોસાયટીમાં ગાર્ડન હોટેલ પાછળ હતાં ત્યારે રાહુલ વરૂએ પૈસાની લેતીદેતી મામલે ઝઘડો કરી ધોકા-પાઇપથી માર મારતાં સિવિલ હોસ્પિટલમાં દાખલ થતાં આ મુજબની નોંધ હોસ્પિટલ ચોકીના સ્ટાફે બી-ડિવીઝનમાં કરાવી હતી.

બીજી તરફ માલધારી-૩માં રહેતો રાહુલ પેથાભાઇ વરૂ (ઉ.૨૨) પોતાને તરઘડી પાસે બાઇક સ્લીપ થતાં ઇજા થયાની ફરિયાદ સાથે સિવિલમાં દાખલ થતાં કુવાડવા રોડ પોલીસને જાણ કરાઇ હતી. જો કે પોલીસ આ બંનેના નિવેદન નોંધે એ પહેલા હોસ્પિટલમાંથી જતાં રહ્યા હતાં.