કોસ્મો સીનેમા 'પદ્દમાવત' ફિલ્મ બતાવશે તો જોયા જેવી : જય ભવાની રાજપુત યુવા સેના
રાજકોટ તા. ૨૨ : પદ્દમાવતી ફિલ્મ સામે રાજપુત સમાજ દ્વારા પ્રચંદ વિરોધ થઇ રહ્યો છે તેવા સંજોગોમાં કોસ્મો ટોકીઝના વ્યવસ્થાપક દ્વારા ફિલ્મ રિલીઝ કરવા તૈયારી દર્શાવાઇ હોય જય ભવાની રાજપુત યુવા સેના દ્વારા કોસ્મો સીનેમાના મેનેજરને રૂબરૂ મળી ફિલ્મ નહીં દર્શાવા રજુઆત કરાઇ છે.
જય ભવાની સેનાએ જણાવેલ છે કે ફિલ્મ બતાવીને રાજપુત સમાજને અપમાનીત કરવા પ્રયાસ થશે તો સાંખી નહીં લેવાય. આજે દેશભરમાં રાજપુત સમાજ દ્વારા વિરોધ પ્રદર્શનો કરવામાં આવી રહ્યા છે. ત્યારે ફિલ્મ દર્શાવ્યા બાદ કઇ પણ થાય તો તેની જવાબદારી ભોગવવા તૈયાર રહેવા રજુઆતમાં જય ભવાની સેવા દ્વારા જણાવાયુ છે.
કોઇ પણ ભોગે ફિલ્મ પ્રદર્શીત નહીં થવા દેવા અંતમાં જય ભવાની રાજપુત યુવા સેનાના જયદીપસિંહ દેવડા (મો.૯૮૨૪૨ ૭૪૩૮૧), હાર્દીકસિંહ ડાભી (મો.૯૬૩૮૧ ૩૮૨૫૭), કાનભા ચૌહા (મો.૯૮૯૮૮ ૦૦૦૯૦), ઇન્દ્રજતસિંહ મકવાણા (મો.૭૦૧૬૯ ૭૪૬૩૫), જયપાલસિંહ ચાવડા (મો.૯૭૨૫૯ ૭૭૭૭૦) દ્વારા સ્પષ્ટ ચીમકી ઉચ્ચારવામાં આવી છે.