એરપોર્ટ રોડ ડિવાઈડર ઉપર ગુલાબી - જાંબલી કલરના વૃક્ષોનું વૃક્ષારોપણ
રાજકોટ : શહેરના એરપોર્ટ રોડ ઉપર આવેલ રવેચીધામથી ઘોઘા જકાતનાકા તરફ જતા રીંગ રોડના ડિવાઈડરના ગુલાબી તથા જાંબલી કલરના ફુલોવાળા ૫૧ વૃક્ષોનું વૃક્ષારોપણ દાસ પેંડાવાળાના સહયોગથી ગ્રીન સીટી દ્વારા નાખવામાં આવ્યા હતા. આ રોડના ડિવાઈડરમાં ગ્રીનસીટી દ્વારા કુલ ૨૦૦ વૃક્ષો ટ્રી ગાર્ડ સાથે નાખવામાં આવેલ. આ ઉપરાંત થોડા જ સમયમાં આ ડિવાઈડરમાં અમરજયોતિ શાળાના બાળકોના હસ્તે ૨૦૦ બોગમ વેલનું વૃક્ષારોપણ થનાર છે. આ વૃક્ષારોપણ દાસ પેંડાવાળા બૈજુભાઈ અને તેના પરિવારના સભ્યો દ્વારા કરવામાં આવ્યુ હતું. આ પ્રસંગે ગ્રીન સીટીના દેવેનભાઈ શેઠ ઉપરાંત અચ્યુતભાઈ મહેતા, કમલેશભાઈ શેઠ, જયંતભાઈ મહેતા, અલ્કાબેન મહેતા, ઝેક ઝાલા, અબ્બનસ, પરેશ શાહ તથા વર્ષીલ, આયુષી, દર્શ, બીરવ, તનીષા તથા તનય મહેતા હાજર રહ્યા હતા.