રાજકોટ સ્વામિનારાયણ મંદિરમાં હરિભક્તોએ ચોપડા સહિત લેપટોપનું કર્યું પૂજન

 

રાજકોટઃ આજે દિવાળીનાં પર્વને દિવસે ઠેર-ઠેર વેપારીઓ દ્વારા ચોપડાઓનું પૂજન કરવામાં આવે છે. ત્યારે રાજકોટનાં સ્વામિનારાયણ મંદિરમાં સમૂહ ચોપડા પૂજનનું આયોજન થયેલ જેમાં મોટી સંખ્યામાં હરિભક્તો જોડાયાં હતાં.

હરિભક્તો દ્વારા ચોપડા પૂજન સાથે આ વખતે આધુનિક પૂજન પણ કરાયું હતું જેમાં ચોપડાની સાથે સાથે લેપટોપનું પણ પૂજન કરાયું હતું આ વેળાએ અનેક સંતોની સાથે તેઓની હાજરીમાં જ હરિભક્તોએ વેદોક્ત મંત્રોચ્ચાર સાથે ચોપડાપૂજન અને લેપટોપનું પૂજન કર્યું હતું. આ પૂજનમાં અનેક હરિભક્તોમાં વેપારીઓ તેમજ મોટા મોટા ઉદ્યોગકારો હાજર રહ્યાં હતાં.