રાજકોટમાં સેન્સ વખતે નામ આવતા સ્પષ્ટ વાત

ભાજપ જવાબદારી સોપે તો જિલ્લા પ્રમુખ બનવા ગોરધનભાઇ તૈયાર

રાજકોટ તા.૨૦: જિલ્લા ભાજપના પ્રમુખ પદ માટેની સેન્સ વખતે સૂચિત નામોમાં ગોરધનભાઇ ધામેલિયાનું પણ નામ ઉછળ્યાના અહેવાલથી તેમણે આ અંગે તૈયારી બતાવી છે ગોરધનભાઇનું કહેવુ છે કે જો પાર્ટી મને જવાબદારી સોપે તો પૂરી નિષ્ઠાથી પ્રમુખ પદ સંભાળવા તૈયાર છુ. પાર્ટીની શિસ્તમાં માનનારો છુ. ભાજપ મને નહિ તો અન્ય કોઇને પ્રમુખ બનાવશે તો પણ હું આવકારી તેની સાથે કામ કરવા રાજી છું.

અત્રે ઉલ્લેખનીય છે ક વીરપુર નિવાસી જિલ્લા ભાજપ ઉપપ્રમુખ ગોરધનભાઇ ધામેલિયા સંગઠનના વર્ષોના અનુભવી છે. સૌને સાથે લઇને ચાલવાની આવડત ધરાવે છે. સમાજના સર્વ વર્ગમાં તેમની સ્વીકૃતિ છે.