ઇન્ડીયન લાયન્સ ફ્રેન્ડસ કલબ દ્વારા શપથવિધિ : નરેન્દ્રભાઇના જન્મદિનની ઉજવણી
રાજકોટ : રાષ્ટ્રસેવાને વરેલી કલબ ઇન્ડીયન લાયન્સમાં જોડાયેલ તબીબોનો શપથ સમારોહ તાજેતરમાં યોજાયો હતો. જેમાં ડો. જયોતિ હાથી (પ્રમુખ), ડો. મનિષ મહેતા (ઉપપ્રમુખ), ડો. જયતિ બુચ (સેક્રેટરી), ડો. ધવલ કારોટીયા (જોઇન્ટ સેક્રેટરી), ડો. દિનેશચંદ્ર ચૌહાણ (ખજાનચી) ઉપરાંત બોર્ડ ઓફ ડીરેકટર્સ ડો. કિરીટ પટેલ, ડો. મિતેષકુમાર ભંડેરી, ડો. કલ્પેશ હાથી, ડો. હરેશ ભાડેસિયા, ડો. સંજય દેસાઇ અને ડો. ગિરાબેન માંકડ સહિત કુલ ૨૪ સભ્યોએ શપથ લીધા હતા. આ તકે વડાપ્રધાન નરેન્દ્ર મોદીના જન્મદિનની ઉજવણી પણ ભારતીય સંસ્કૃતિ અનુસાર મટકી ફોડ કરીને તેમાંથી લાડુ વહેંચીને કરવામાં આવી. વૈદિક મંત્રોચ્ચાર સાથે દીપપ્રાગટય કરાયુ હતુ. પૂર્વ કેબીનેટ મંત્રી અને ગૌસેવા આયોગના પ્રમુખ ડો. વલ્લભભાઇ કથીરીયા, ઇન્ડિયન મેડીકલ એસો. ગુજરાતના ઉપપ્રમુખ ડો. અમિત હાપાણી, ઇન્ડિયન મેડીકલ એસો.ના પ્રમુખ ડો. હિરેન કોઠારી, ઇન્ડીયન લાયન્સના નેશનલ ચેરમેન હિતેષભાઇ પંડયા, નેશનલ વાઇસ ચેરમેન હિતેષ પંડયા, નેશનલ વાઇસ ચેરમેન શ્રીમતી આશાબેન પંડયા, સેક્રેટરી જયોતિબેન પંચોલી, ફેમીલી ફીઝીશ્યન એસો.ના ડો. રશ્મિકાંત ઉપાધ્યાય વગેરે ઉપસ્થિત રહ્યા હતા.