વિદેશી દારૂના ગુનામાં સામેલ પ્રિયેશ ઉર્ફે આશીષ પાસામાં ધકેલાયો
રાજકોટ તા.૧૯: યુનિવર્સિટી પોલીસ મથક હેઠળના વિસ્તારમાં દારૂ સાથે પકડાયેલા દેવીપૂજક શખ્સને પાસા તળે જેલમાં ધકેલી દીધો છે.
મળતી વિગત મુજબ યુનિવર્સિટી રોડ પુષ્કરધામ મેઇન રોડ પર આર.એમ.સી. કવાર્ટર બ્લોક નં.૨૯ માં રહેતો પ્રિયેશ ઉર્ફે આશીષ ઉર્ફે બેટરી અરવિંદભાઇ સોલંકી (ઉ.વ.૨૦)ને યુનિવર્સિટી પોલીસે વિદેશી દારૂના જથ્થા સાથે પકડી લીધો હતો. આ પ્રકરણમાં યુનિવર્સિટી પોલીસ મથકના પી.આઇ. બી.બી.ગોયલ, તથા રાઇટર જે.પી. મેવાડા, બળભદ્રસિંહ તથા ગિરીરાજસિંહે તેને પાસામાં ધકેલવા માટેની દરખાસ્ત કરતા પોલીસ કમિશનર મનોજ અગ્રવાલે વોરંગ ઇસ્યુ કરતા પીઆઇ બી.બીગોયલ, પીએસઆઇ એન.બી. ડોડીયા, હેડ કોન્સ હરેશભાઇ, રાજેશભાઇ, અમનીભાઇ, રવિરાજસિંહ, ધર્મેન્દ્રસિંહ અને ધર્મરાજસિંહ સહિતે પ્રિયેશ ઉર્ફે આશીષ ઉર્ફે બેટરી અરવિંદભાઇ સોલંકીને પાસા તળે અટકાયત કરી અમદાવાદ જેલમાં ધકેલી દીધો હતો.