કુવાડવાઃ જીવાપર પાસે ડમ્પર પાછળ એસટી બસ અથડાઇઃ ચારને ઇજા

રાજકોટ તા. ૧૮: કુવાડવાના જીવાપરના પાટીયા પાસે એસ.ટી. બસ અને ડમ્પર વચ્ચે અકસ્માત થતાં ચારને ઇજા થઇ હતી.

અકસ્માતના આ બનાવમાં ચારને ઇજા થઇ હતી. ઇજાગ્રસ્તોમાં બસના ચાલક મોહમ્મદઇદ્રીશ ફકીરમહમદ સંધી (ઉ.૫૦), મોહનલાલ જીવરાજભાઇ જેઠવા (ઉ.૫૦), ચંદનબેન મોહનલાલ (ઉ.૫૮) તથા હકાભાઇ વહાભાઇ ભરવાડ (ઉ.૬૦)ને સિવિલમાં ખસેડાયા હતાં. કુવાડવા પોલીસે ડમ્પર નં. જીજે૨૫યુ-૪૮૭૨ના ચાલક હાલ કુવાડવા રહેતાં મુળ પોરબંદરના કુછડી ગામના પરબત કેશવભાઇ કુછડીયા (મેર) (ઉ.૨૭)ની ફરિયાદ પરથી એસ.ટી. બસ નં. જીજે૧૮ઝેડ-૧૬૯૨ના ચાલક સામે ગુનો નોંધ્યો હતો.  પરબતના કહેવા મુજબ પોતે રાણાભાઇની વસુંધરા ખાણેથી ડમ્પરમાં પથ્થર ભરી બેટી જવા નીકળ્યો ત્યારે પાછળથી એસ.ટી. બસ ઠાઠામાં અથડાતાં બસમાં ભારે નુકસાન થયું હતું. તેમજ મુસાફરોને ઇજા થઇ હતી. પોતાને ઇજા થઇ નથી. પોલીસે જરૂરી કાર્યવહી કરી હતી.