''સ્વચ્છતાએપ'' શોભાનો ગાઠીયો !!

સ્વચ્છતાએપમાં કરેલી ફરીયાદ એક ઘાએ ઉકેલાઇ જાય છે. પરંતુ માત્ર કાગળમા, હકીકતમાં નહીં. જાગૃત નાગરીક પ્રેમલ ભટ્ટે પુરાવા સાથે રજુઆત કરી

રાજકોટ તા. ૧૬ : મ્યુ.કોર્પોરેશન દ્વારા 'સ્વચ્છતાએપ'થી ગંદકીની ફરીયાદ તુરંત નિકાલ થઇ જાય છે. તેવી જાહેરાતો કરાય છ.ે પરંતુ આ હકિકતથી માત્ર કાગળિયામાંજ આ ''સ્વચ્છતા એપ''ની ફરીયાદનો નિકાલ થાય છે. હકિકતમાં નહી આ બાબતે જાગૃત નાગરીક પ્રેમલ ભટ્ટે પુરાવા સહિત રજુઆત કરી છ.ે

આ અંગે રાજહંસ સોસાયટીના નાગરીક પ્રેમલભાઇ ભટ્ટે રજુ કરેલ વિગતો મુજબ તેઓએ 'રાજહંસ સોસાયટીમાં ભુગર્ભગટરની કુંડી પાસે ગંદકી'નો ફોટો પાડી સ્વચ્છતા એપ મારફત ફરીયાદ નોંધાવી તો જવાબમાં આ કમ્પ્લેઇન રિ-સોલ્વડ એટલે કે ઉકેલાઇ ગઇ છે. તેવું લખાઇને આવ્યું અને બીજી વખત આજ કમ્પલેઇન કરવામાં આવતા કમ્પલેઇન રિજેકટ એટલે કે સ્વીકારવામાંજ ન આવી આમ 'સ્વચ્છ એપ'માં કાગળ ઉપર ગંદકીની ફરીયાદ ઉકેલાઇ ગઇ પરંતુ હકીકતે સ્થળ ઉપર ગંદકી યથાવત રહી હતી આમ સ્વચ્છતાએપ શોભાના ગાંઠીયો સાબીત થઇ રહ્યાનો આક્ષેપ પ્રેમલભાઇ ભટ્ટે કર્યો છ.ે(૬.૧૯)