રવિવારની રજા અને ધોકાનો દિવસ હોવાથી રાજકોટની બજારોમાં હજુ નાની- મોટી ખરીદી

વેપારીઓએ ચોપડા પૂજન કરી ધંધો રોજગાર બંધ કર્યા તો કેટલાક વેપારીઓ બજારમાં ધંધા રોજગાર માટે બેઠા

રાજકોટ :દિવાળી બાદ લોકોને તિથિ મુજબ એક ધોકાનો દિવસ પણ મળ્યો છે. જોકે, લોકોની દિવાળી ની ખરીદી હજુ પણ પૂરી થઈ નથી તેવું લાગે છે. રવિવારની રજા અને ધોકાનો દિવસ હોવાથી રાજકોટના બજારમાં નાની મોટી ખરીદી કરવા લોકો પહોંચ્યા છે. મોટાભાગના વેપારીઓ ગઈકાલે દિવાળીના દિવસે ચોપડા પૂજન કરી ધંધો રોજગાર બંધ કર્યા હતા. પરંતુ હજી પણ કેટલાક નાના વેપારીઓ બજારમાં ધંધા રોજગાર માટે બેઠા છે.

   આગામી લાભ પાંચમના દિવસથી ફરી વેપારીઓ શુભ મુહૂર્તમાં ધંધા રોજગાર શરૂ કરશે. રાજકોટના ગુંદાવાડી, ધર્મેન્દ્ર રોડ, સોની બજાર, પેલેસ રોડ સહિતની બજારમાં ખરીદીનો માહોલ શાંત થયો છે. તો કેટલીક દુકાનો ખુલ્લી હોવાથી લોકો ખરીદી કરવા આવી રહ્યા છે.