મોરબીમાં નેપાળી મહિલા દાઝી ગઇઃ ગંભીર હાલતમાં રાજકોટ ખસેડાઇ

રાજકોટ તા. ૧૬: મોરબીના લાતી પ્લોટમાં રહેતી નેપાળી મહિલા કમલાબેન હરિશભાઇ બિસ્ત (ઉ.૪૦) દાઝી જતાં સારવાર માટે રાજકોટ સિવિલ હોસ્પિટલમાં ખસેડાઇ છે. કમલાબેન ગઇકાલે રાત્રે દસેક વાગ્યે સ્ટવ પર રસોઇ બનાવી રહી હતી ત્યારે અચાનક ભડકો થતાં દાઝી ગયાનું તેના પરિવારજનોએ જણાવતાં હોસ્પિટલ ચોકીના થોભણભાઇ ટીલારા અને દિપસિંહ ચોૈહાણે મોરબી પોલીસને જાણ કરી હતી. કમલાબેનનો પતિ ચોકીદારી કરે છે. તેણીને સંતાનમાં એક પુત્રી અને ત્રણ પુત્ર છે.