આજી ડેમ પાસે ભુલો પડેલા તરૂણના પરિવારને શોધી પોલીસે મિલન કરાવ્યુ

રાજકોટ તા. ૧૪ :.. આજી ડેમ ચોકડી પાસે એક આઠ વર્ષનો તરૂણ રડતો હોઇ, થોરાળા પોલીસે તેને પુછતા તેણે પોતાનું નામ કિસ્મતઅલી રમઝાનભાઇ અંસારી (ઉ.૮) જણાવ્યું હતું. પરં તે ભુલો પડી ગયો હોઇ, તેથી તેને પોલીસ સ્ટેશને લઇ આવ્યા હતા અને તે એકતા કોલોની બોલતો હતો. તેથી થોરાળા પોલીસ મથકના કોન્સ. મસરીભાઇએ તરૂણના પરિવારજનોની શોધખોળ આદરી હતી. અને તેણે ભકિતનગર પોલીસના કોન્સ. સલીમભાઇ મકરાણીનો સંપર્ક કરતા તેણે તપાસ કરતા તરૂણ કિસ્મતઅલી જંગલેશ્વર નદીના કાંઠે આવેલ એકતા કોલોનીમાં રહેતો હોવાનું જાણવા મળતા પોલીસે તેના પિતા રમઝાનભાઇ અંસારીને શોધી કાઢી અને તેને થોરાળા પોલીસ મથકે લઇ જઇ તેના પુત્ર કિસ્મતઅલીને સોંપ્યો હતો.