કોટડા પીઠા પાસે બાઇક સ્લીપ થતાં લીંબડી કઠેચીના યુવાનનું મોત

રાજકોટ તા. ૧૫: જસદણના કોટડા પીઠા ગામ પાસે સંક્રાંતની આગલી સાંજે બાઇક સ્લીપ થતાં લીંબડીના નાની કઠેચી ગામના સુલાજી છનાભાઇ લાલાણી (ઉ.વ.૨૦)ને ઇજા થતાં જસદણ સારવાર અપાવી રાજકોટ સિવિલ હોસ્પિટલમાં ખસેડાયો હતો. પરંતુ મોડી રાતે દમ તોડી દેતાં પરિવારમાં શોક છવાયો હતો. હોસ્પિટલ ચોકીના રાજુભાઇ ગીડા અને રવિભાઇએ કાગળો કરી જસદણ પોલીસને જાણ કરી હતી.