રતનપરમાં મયુરસિંહ ઝાલાની વાડીમાં દરોડોઃ મકાનમાંથી ૪૦ બોટલ દારૂ મળ્યો

કુવાડવા પોલીસ મથકના કૃષ્ણદેવસિંહ જાડેજા અને મનિષ ચાવડાની બાતમી પરથી દરોડો

રાજકોટ તા. ૧૪: કુવાડવા પોલીસે રતનપર ગામે દરોડો પાડી દરબાર શખ્સને રૂ. ૧૨ હજારના વિદેશી દારૂ સાથે પકડી લીધો હતો.

પી.આઇ. એ.આર. મોડીયાની રાહબરીમાં પીએસઆઇ ઝાલા, એએસઆઇ આર. કે. ડાંગર, કોન્સ. કૃષ્ણદેવસિંહ જાડેજા, મનિષભાઇ ચાવડા, રાજેશભાઇ ચાવડા, દિલીપભાઇ બોરીચા, હિતેષભાઇ માલકીયા સહિતનો સ્ટાફ પ્રોહીબીશન ડ્રાઇવમાં હતો ત્યારે કૃષ્ણદેવસિંહ અને મનિષભાઇને બાતમી મળી હતી કે રતનપરમાં રહેતાં મયુરસિંહ નિર્મળસિંહ ઝાલા (ઉ.૩૨)ની રતનપર જાળીયા ગામે આવેલી વાડીના મકાનમાં ઇંગ્લીશ દારૂ છુપાવ્યો છે. તેના આધારે દરોડો પાડવામાં આવતાં મયુરસિંહ મળી આવ્યો હતો. મકાનમાં તપાસ કરતાં રૂ. ૧૨૦૦૦નો ૪૦ બોટલ દારૂ મળતાં કબ્જે કરી તેની ધરપકડ કરી હતી. (૧૪.૫)