બેડી ચોકડીએ ૧.૨૯ લાખનો દારૂ ભરેલી ઝાયલો સાથે બે પકડાયા
કુવાડવા પોલીસે જામનગરના ઢંઢા ગામના મયુરસિંહ સોઢા તથા મોરબીના જીતેન્દ્ર પટેલને પકડયા
રાજકોટ તા.૧૨: પોલીસ કમિશનર મનોજ અગ્રવાલ તથા જોઇન્ટ કમિશનર સિદ્ધાર્થ ખત્રી તથા ઝોન -૧ના એસીપી રવિમોહન સૈનીની સુચનાથી કુવાડવા પોલીસ મથકના પીઆઇ એ.આ.ર મોડીયા તથા પીએસઆઇ વી.પી. આહીર, કોન્સ. દિલીપભાઇ બોરીચા, મનીષભાઇ ચાવડા, હિતેશભાઇ માલકીયા, મહેન્દ્રકુમાર ગોવાણી, કૃષ્ણદેવસિંહ જાડેજા, શિરાઝભાઇ ચાનીયા, તથા હરેશભાઇ સારદિયા સહિત પેટ્રોલીંંગમાં હતા ત્યારે પીએસઆઇ વી.પી. આહીર તથા હિતેશભાઇ અને મહેન્દ્રકુમારને મળેલી બાતમીના આધારે માલીયાસણ ચોકડીથી સોખડા રોડ પરથી પસાર થતી જી.જે.૧ સીટી ૬૬૫૫ નંબરની ઝાયલો જીપનો પીછો કરી બેડી ચોકડી પાસે પકડી લઇ જીપ માંથી દારૂની ૪૩૨ બોટલ કિંમત રૂ. ૧.૪૦ લાખની મળી આવતા જામનગરનાં ઢંઢા ગામનો હાલ જામનગર ગાંધીનગર રોડ પર મોમાઇનગરનો મયુરસિંહ ભરતસિંહ સોઢા (ઉ.વ.૨૧) તથા મોરબીના જેતપરનો હાલ મોરબીથી વાવડી રોડ રાધાપાર્કનો જીતેન્દ્ર મનસુખભાઇ જાકાસણીયા (ઉ.વ.૩૧) ને પકડી લઇ દારૂનો જથ્થો સહિત રૂ. ૮,૪૫,૬૦૦નો મુદ્દામાલ કબ્જે કર્યો હતો.