લાલપરી મફતીયા પરામાંથી ૧૬ વર્ષની સગીરાને દીપક ભગાડી ગયો : અપહરણનો ગુનો

રાજકોટ તા ૧૨  : લાલપરી મફતીયા પરામાં રહેતી ૧૬ વર્ષની સગીરાને પ્રેમજાળમાં ફસાવી વેલનાથપરાનો શખ્સ ભગાડી જતા ફરીયાદ થઇ છે.

મળતી વિગત મુજબ મોરબીરોડ જયજવાન જયકિશાન સોસાયટી પાછળ લાલપરી મફતીયાપરામાં રહેતી ૧૬ વર્ષની સગીરા પરમ દિવસે રાત્રે 'બાથરૂમ કરીને આવુ છુ ' કહી રૂમમાંથી નીકળ્યાબાદ પરત ન આવતા તેના માતા પિતાએ તેની શોધખોળ આદરી હતી, બાદ શેરીમાં ગણપતી બેસાડેલ હોઇ ત્યાં દીકરીને શોધવા માટે ગયા, પરંતુ ત્યાં પણ તેનો પતો લાગ્યો ન હતો. બાદ પુત્રીએ ચાર માસ પહેલા તેના માતા મોરબી રોડ પર વેલનાથ શેરી નં.૯/૧૦માં રહેતો દીપક સીતાપરા નામના યુવાન સાથે પ્રેમસંબંધ હોવાનુ જણાવ્યું હતું અને તેઓ લગ્ન કરવાની વાત પણ કરી હતી, પરંતુ દીપક સીતાપરા દુરના સગા થતા હોવાના લીધે લગ્નની ના પાડી હતી. તેથી માતા-પીતાએ વેલનાથપરામાં તપાસ કરતા દિપક સીતાપરા ઘરે મળી ન આવતા દીપક સગીરાને ભગાડી ગયો હોવાની શંકા જતા બી ડીવીઝન પોલીસ મથકમાં સગીરાના પિતાએ ફરિયાદ નોંધાવતા, પોલીસે દીપક વિરૂધ્ધ અપહરણનો ગુનો દાખલ કરી પી.આઇ. વી.જે. ફર્નાન્ડીસે તપાસ આદરી છે.