શનિવારે રાજકોટમાં અને રવિવારે ગોંડલમાં સંગીતનો વિનામૂલ્યે કાર્યક્રમ
ગાયક કલાકારોની ટીમ સૂમધુર ગીતો પીરસશેઃ ગોંડલમાં વનમેન શો
રાજકોટ,તા.૧૧: સ્પંદન મ્યુઝીકલ ગ્રુપ અને બોલબાલા ટ્રસ્ટ દ્વારા આગામી શનિ- રવિ રાજકોટ અને ગોંડલમાં સંગીતનો કાર્યક્રમ રાખેલ છે. બન્ને કાર્યક્રમો નિઃશુલ્ક છે.
જેમાં તા.૧૪ના શનિવારે સાંજે ૪ થી ૭ અરવિંદભાઈ મણીયાર હોલ, રાજકોટ ખાતે કાર્યક્રમ યોજાશે. જેમાં ગાયક કલાકારો સર્વશ્રી દિપક દેસાઈ, કુંજન આડેસરા, કિરીટભાઈ સોની, રમેશભાઈ શાહ, સ્મૃતિબેન જોષી, પન્નાબેન મહેતા, દમયંતિબેન પોપટ, સોનિયા ગોસાઈ, મધુબેન કુબાવત, રાખી મહેતા અને શિલ્પા પટેલ અવનવા ગીતો રજૂ કરશે.
જયારે તા.૧૫ રવિવારના રોજ ગોંડલના સંગીતપ્રેમીઓ માટે એક સરસ મજાનો સંગીત મઢયો પ્રોગ્રામ મખમલી ગાયક તલતમહેમુદ અને લતા- આશાના ગીતોના કાર્યક્રમમાં રાજકોટના વોઈસ ઓફ તલત મહેમુદ, રાજેન્દ્ર શેઠ અને માધવી શેઠ, એક એકથી ચડીયાતા ગીતો પીરસશે. વધુ વિગતો માટે મો.૯૮૨૪૨ ૨૬૬૧૩ ઉપર સંપર્ક કરવો.(તસ્વીરઃ વિક્રમ ડાભી)