રાજદીપ સોસાયટીનો વિસ્તાર ૩ લાખના ખર્ચે પેવિંગ બ્લોકથી મઢાશેઃ કામનો પ્રારંભ

વોર્ડનં. ૧૧ના કોંગી કોર્પોરેટર વસંત માલવી, પારૂલબેન ડેર, પરેશભાઇ હરસોડા, ધનશ્યામસિંહ જાડેજાના પ્રયત્નો સફળ

રાજકોટ તા.૧૨: શહેરના વોર્ડ નં. ૧૧માં આવેલ રાજદિપ સોસાયટીના શેરીનં. ૨માં પેવિંગ બ્લોક કામનો પ્રારંભ કરવામાં આવ્યો છે. આ અંગે કોંગી કોર્પોરેટર વસંતબેનની યાદીમાં જણાવ્યા મુજબ વોર્ડ નં. ૧૧માં રાજદિપ સોસાયટી શેરીનં.ર માં કોર્પોરેટર વસંતબેન માલવીની ૨૦૧૮ની ગ્રાન્ટ માંથી રૂ. ૩ લાખના ખર્ચે પેવિંગ બ્લોકના કામનું ખાતમુહુર્ત કરવામાં આવ્યું છે. આ પ્રસંગે કોંગી કોર્પોરેટર ઘનશ્યામસિંહ, વસંતબેન માલવી, પારૂલબેન ડેર, પરેશ હરસોડા, વોર્ડ પ્રમુખ કેતનભાઇ તાળા, ધનાભાઇ, શૈલેષભાઇ, પ્રકાશભાઇ વેજપરા,મનસુખભાઇ, કિરણભાઇ ગોહેલ, હરીભાઇ, અનિલભાઇ જોશી, કિશોરભાઇ વાણીયા સહિતના વિસ્તારવાસીઓ ઉપસ્થિત રહયા હતાં.