વોર્ડ નં. ૭ ભાજપ મહિલા મોરચો ગાંધી મ્યુઝિયમની મુલાકાતે

 ભાજપ દ્વારા મહિલા સશકિતકરણ માટે વિવિધ કાર્યક્રમોના આયોજનો થઇ રહ્યા છે. તેના ભાગરૂપે મહાત્મા ગાંધીજીની ૧૫૦ મી જન્મ જયંતિ ઉજવણી અંતર્ગત શહેર ભાજપ વોર્ડ નં. ૭ ભાજપ મહીલા મોરચાની ટીમ દ્વારા શહેરના ઐતિહાસીક મહાત્મા ગાંધી મ્યુઝીયમની મુલાકાત ગોઠવવામાં આવી હતી. શહેર ભાજપ મહામંત્રી દેવાંગ માંકડની ઉપસ્થિતીમાં અને શહેર ભાજપ મહીલા મોરચાના પ્રભારી અંજલીબેન રૂપાણીના માર્ગદર્શન હેઠળ મેયર બીનાબેન આચાર્ય, શહેર ભાજપ મહીલા મોરચાના પ્રમુખ નયનાબેન પેઢડીયા, મહામંત્રી કિરણબેન માકડીયા, વોર્ડ કોર્પોરેટર મીનાબેન પારેખ, હીરલબેન મહેતા, વોર્ડ મહામંત્રી કિરીટ ગોહેલ વગેરે સાથે જોડાયા હતા. કાર્યક્રમની સફળતા માટે વોર્ડ મહીલા મોરચાના પ્રમુખ ઉન્નતીબેન ચાવડા, સોનલબેન દવે, પીનાબેન કોટકે જહેમત ઉઠાવી હતી.