કોંગ્રેસનાં કોર્પોરેટરો પ્રજાની વ્હારેઃ કોરાનાં સારવાર માટે ૧૦ લાખની ગ્રાન્ટ ફાળવી

વોર્ડ નં. ૧પનાં કોરોનાના ગરીબ દર્દીઓ માટે દવા, ઇન્જેકશન, ઓકસીજન વગેરે જરૂરી વસ્તુ આ ગ્રાન્ટમાંથી વિનામૂલ્યે ફાળવવા મ્યુ. કમિશ્નરને જણાવ્યુ

રાજકોટ તા. ૧૧ :.. રાજકોટ મહાનગરપાલિકાના વોર્ડ નં. ૧પ નાં કોંગ્રેસ પક્ષના કોર્પોરેટરો શ્રી વશરામભાઇ સાગઠીયા, શ્રી મકબુલભાઇ દાઉદાણી, શ્રીમતી ભાનુબેન સોરાણી અને શ્રીમતી કોમલબેન ભારાઇ ને વોર્ડના વિકાસ માટે ફાળવવામાં આવેલ ગ્રાન્ટમાંથી પોતાના જ વોર્ડ નં. ૧પ માં  ૪, ૧૦,૦૦,૦૦૦ અંકે રૂપિયા દશ લાખ પુરી ગ્રાન્ટ ફાળવવાનો પત્ર વોર્ડના ડેપ્યુટી ઇજનેરને આપી દિધેલ છે   તેમાં જણાવેલ છે કે અમારા વોર્ડના નાગરીકોને કોરાનાની દવા ઇન્જેકશનો - ઓકસીજન વગેરે જરૂરી ટેસ્ટીંગ કિટ જેવી જરૂરી વસ્તુઓ ખરીદવા માટે કોંગ્રેસના ચારેય કોર્પોરેટર ગ્રાન્ટમાં જ ચારેયના ખાતામાંથી અઢી-અઢી લાખ રૂપિયાની ગ્રાન્ટ ફાળવીએ છીએ તો વોર્ડ નં. પ નાં લોકોને જરૂરીયાત મુજબ દવાઓ સહિતની સુવિધાઓ પુરતા પ્રમાણમાં મળી રહે તેવા શુભ આશયથી આ ગ્રાન્ટ ફાળવીએ છીએ અને હજુ જરૂર જણાશે તો વધારે ગ્રાન્ટ ફાળવવાની પણ અમારી તૈયારી છે તો કોર્પોરેટર તરીકે લાગતા-વળગતા અધિકારીઓને પણ વિનંતી કરી છે કે અમારા વોર્ડમાં જ નાના અને ગરીબ લોકોની સેવા  - સુવિધામાં જ અમારી ગ્રાન્ટ વપરાવવી જોઇએ તેવી તાકીદ પણ કરી છે.