એરપોર્ટ ઉપર નરેન્દ્રભાઇએ કમલેશને હળવા મુડમાં કહયુ કે શરીર કેમ ઉતારતો નથી

આજે સવારે૧૦ આસપાસ વડાપ્રધાન શ્રી નરેન્દ્રભાઇ મોદી રાજકોટ એરપોર્ટ ઉપર આવી  પહોંચ્યા ત્યારે ભાજપ તરફથી શહેર ભાજપ પ્રમુખ શ્રી કમલેશભાઇ  મીરાણી, ધારાસભ્યશ્રી ગોવિંદભાઇ પટેલ, ધારાસભ્યશ્રી અરવિંદભાઇ  રૈયાણી અને રાજકોટના મેયરશ્રી બીનાબેન આર્ચાયએ તેમનું ઉષ્માભર્યું સ્વાગત કર્યું હતુ. શ્રી નરેન્દ્રભાઇ  ખુબ જ રીલેકસ મુડમાં હતા.  કમલેશ મિરાણીને જોઇને નરેન્દ્રભાઇએ કહયું કે તને ગયા વખતે પણ કહેલ  પણ તે શરીર કેમ ન ઉતાર્યું  નથી? શરીર ઉતારવાનું શરૂ કરી દે મને ચિંતા થાય છે. હવે ફરી આવુ ત્યારે અચુક શરીર ઉતારી નાખજે. આમ નરેન્દ્રભાઇ શહેર ભાજપના નેતાઓને ખુબ જ હળવા મુડમાં એરપોર્ટ ઉપર મળ્યા હતા.