કોરના સામે જંગઃ કલેકટરે ૧૪૪૦૦ કર્મચારીઓની ''ફોજ'' ઉતારી
સૌથી વધૂ મહાનગરપાલિકાના ૫૫૬૦ કર્મચારીઃ મહેસૂલના ૪૪૬ અને પંચાયતના ૪૯૪ કર્મચારીઓ કામે લાગ્યા છેઃ રોજે રોજ મેળવાતો રીપોર્ટ : આ કર્મચારીઓમાં કલેકટર-પોલીસ કમ્શ્નિર-મ્યુ.કમીશ્નર-ડે.કલેકટરો-મામલતદારો-ડીઝાસ્ટર શાખા-વેટ કચેરી-પોલીસતંત્ર-ડોકટો-નર્સ સહિત તમામનો સમાવેશ
રાજકોટ તા. ૯ : રાજકોટ સહિત રાજયભરમાં કોરોના સામે જંગ ખેલાઇ રહ્યો છે, અમદાવાદમાં એકી સાથે પપ કેસ કોરોનાના નોંધાયા છે. રાજકોટમાં એકી સાથે ૬૮ કેસના સેમ્પલ મોકલાયા છે. કેન્દ્ર-રાજય સરકારે આ જંગ સામે લડવા કલેકટરોને ડીઝાસર મેનેજમેન્ટ એકટની કલમ ૩૪ હેઠળ જબરા પાવર આવ્યા છે, તો કલેકટરે તમામ પ્રાંતને ઇન્સીડન્ટ કમાન્ડન્ટના પાવર આપ્યા છે.
દરમ્યાન રાજકોટ શહેર-જીલ્લામાં કોરોના સામે જંગ ખેલવા કલેકટર તંત્ર મેદાને પડયુંછે, કલેકટરે તમામ સ્તરે કામગીરી કરવા કુલ૧૪૪૦૦ થી વધુ કર્મચારીઓની ફોજ ઉતારી દિધી છે, તમામ લેવલે કર્મચારીઓ-અધીકારીઓ કામ કરી રહ્યા છે. અને જરૂર પડયે હજુ વધુના ઓર્ડરો નીકળશે.
આ ૧૪૪૦૦ થી વધૂ કર્મચારીઓમાં કલેકટર-પોલીસ કમિશ્નર-મ્યુ.કમીશ્નર-ડે.કલેકટરો-મામલતદારો-ડીઝાસ્ટરશાખા-વેટ કચેરી-જીઇબી-પોલીસ તંત્ર-ડોકટરો-નર્સ સહિત તમામ ડીપાર્ટમેન્ટનો સમાવેશ થાય છે.
સૌથી વધૂ મહાનગરપાલિકાના પપ૩૦ કર્મચારીઓ જંગ લડી રહ્યા છે, આ ઉપરાંત જીલ્લા પંચાયતનગર-૪૯૪, મહેસૂલના -૪૪૬, તથા ૭૯૬૧-કર્મચારીઓ અન્ય વિભાગના છે, આ બધૂ મળી કુલ ૧૪૪૬૧ કર્મચારીઓ દ્વારા તમામ લેવલની કામગીરી કરવામાં આવી રહ્યાનું કલેકટર કચેરીના અધીકારી સુત્રોએ ઉમેર્યું હતું.