સૌરાષ્ટ્ર યુનિવર્સિટી દ્વારા ખાનગી ધંધાદારી કોલેજોની મંજુરીનો તખ્તો

નીડ કમિટીની પોઝીટીવ ભલામણઃ ૧૦મીની સિન્ડીકેટમાં દરખાસ્ત રજુ થવાની વકી

રાજકોટ, તા. ૮ :. ધંધાદારી શિક્ષણકારોના વર્ચસ્વમાં રહેલી સૌરાષ્ટ્ર યુનિવર્સિટીમાં નવી ખાનગી કોલેજોની મંજુરીનો તખ્તો ગોઠવાય રહ્યાનું જાણવા મળે છે.

આજે સાંજે સિન્ડીકેટ સભ્યોની બનેલી નીડ કમિટી તેનો અહેવાલ રજુ કરનાર છે ત્યારે ખાનગી કોલેજોની મંજુરી માટે રાજકીય-સામાજિક અગ્રણીઓની ભલામણોનો મારો ચાલી રહ્યો છે. મોટા ભાગની ખાનગી કોલેજોમાં શૈક્ષણિક-બીનશૈક્ષણિક તેમજ ભૌતિક સુવિધાનો અભાવ જોવા મળે છે ત્યારે કડક નિયમ બનાવવાના બદલે લાગવગનું માપદંડ અપનાવી નવી કોલેજોની મંજુરીની લ્હાણી થવાની શકયતા જાણકાર સુત્રોએ વ્યકત કરી છે.