અખિલ હિન્દ મહિલા પરિષદ દ્વારા શકિત આરાધના

 શકિત આરાધનાના પર્વે અખિલ હિંદ મહિલા પરિષદ દ્વારા 'મહિષાસુર મર્દીની આરાધના પર્વ' ઉજવાયુ હતુ. જેનું દીપપ્રાગટય શ્રીમતી દમયંતિબેન જાનીના હસ્તે કરાયુ હતુ. આ પ્રસંગે શિક્ષણવિદ્દ ડો. અલ્પના ત્રિવેદી, લીનાબેન શુકલ, પ્રિ.બાનુબેન ધકાણ, શ્રીમતી જયાબેન ખુંટ, મધુબેન મારવાડી, પ્રિ. આવૃત્તિબેન નાણાવટી, ઇન્દુબેન, જસ્મીનબેન પાઠક, કાંતાબેન કથીરીયા, માધવીબેન ઉપાધ્યાય, બિનનિવાસી ગુજરાતી અગ્રણી કનકજી, મહીલા અગ્રણી રેશ્માબેન સોલંકી, શિક્ષણ સમિતિના સભ્ય અલ્કાબેન કામદાર, જયોતિબેન ભટ્ટ, કલ્યાણીબેન વચ્છરાજાની વગેરે ઉપસ્થિત રહ્યા હતા.  બેઠા ગરબા વૃંદ આરાધના મહિલા મંડળના શ્રીમતી હર્ષિદાબેન સહીત ૫૧ બહેનોએ લયબધ્ધ રીતે ગરબા રજુ કરી વાતાવરણને ભાવવિભોર બનાવી દીધુ હતુ. સ્વચ્છતા અને પ્લાસ્ટિક મુકિત તેમજ આરોગ્ય સંભાળ એમ પૂર્વ પ્રથમ મહિલા મેયર ડો. ભાવનાબેન જોશીપુરા રચિત થીમ ઉપર સ્વાવલંબી બહેનો દ્વારા સરસ કાર્યક્રમ રજુ કરાયો હતો. પરિષદના મંત્રી પ્રવિણાબેન જોશી અને કોષાધ્યક્ષ આશાબેન મદલાણી તથા ટીમે જહેમત ઉઠાવી હતી.