News of Friday, 4th October 2019
રાજકોટ જિલ્લામાં મગફળી રજિસ્ટ્રેશનમાં અનેક સેન્ટરો પર ધાંધિયા : કલેક્ટરને રજૂઆત
ત્રણ ગામોમાં ઓનલાઈન રજીસ્ટ્રેશન ન થતા 1500થી વધારે ખેડૂતો પરેશાન
રાજકોટ જિલ્લામાં મગફળી રજિસ્ટ્રેશનમાં પણ અનેક સેન્ટરો પર ધાંધિયા શરૂ થયા છે. બેડી, વાછકપર ગામ, આણંદપર, બાંધી અને કોઠારીયા ગામમાં રજીસ્ટ્રેશન કરવામાં ન આવતા જિલ્લા પંચાયતના સભ્ય સહિત ખેડૂતો કલેકટર કચરીમાં પહોંચ્યા હતા.
ટેકનિકલ ખામીને કારણે આ ત્રણ ગામોમાં ઓનલાઈન રજીસ્ટ્રેશન ન થતા 1500થી વધારે ખેડૂતો પરેશાન થયા હતા. આ સમગ્ર મામલે ખેડૂતોએ જિલ્લા કલેક્ટરને રજૂઆત કરી છે અને ટેકનિકલ ખામી દૂર કરવા માટે તાકીદ કરી છે.
(11:03 pm IST)