પક્ષીઓની વિવિધ અદાઓ રજુ કરતુ ફોટોગ્રાફી પ્રદર્શન
પોરબંદરના પુનિત કારીયાની કમાલ શનિવારથી રાજકોટની આર્ટ ગેલેરીમાં નિહાળી શકાશે
રાજકોટ : પોરબંદરના વાઈલ્ડ લાઇફ ફોટગ્રાફર પુનિત જે. કારીયા દ્વારા હિમાલયમાળાના અદ્દભુત પક્ષીઓનું એક ફોટો પ્રદર્શન તા. ૬ થી ૯ શ્યામા પ્રસાદ આર્ર્ટ ગેલેરી, રેસકોર્ષ, રાજકોટ ખાતે યોજવામાં આવેલ છે. 'માં કુદરતના માણેક રત્નનો પ્રિત પ્રેમ' વિષય પર યોજાયેલ આ પ્રદર્શન શનિવારે સવારે ૧૦.૩૦ વાગ્યાથી ખુલ્લુ મુકાશે. ઉદ્દઘાટન સમારોહના અધ્યક્ષ સ્થાને મેયર ડો. જૈમનભાઇ ઉપાધ્યાય, મુખ્ય મહેમાન તરીકે ફુલછાબના તંત્રીશ્રી કૌશિકભાઇ મહેતા, ગુજરાત કલા પ્રતિષ્ઠાન સુરતના મહામંત્રી રમણીકભાઇ ઝાપડીયા ઉપસ્થિત રહેશે. આ પ્રદર્શનમાં પક્ષી પ્રેમ, સ્પંદનો, હુંફ અને ઉર્મીઓ વ્યકત કરવા પૂનિત કારીયા (મો.૯૪૨૬૯ ૯૫૭૦૭) નો સરસ પ્રયાસ રહ્યો છે. કેટરીંગના વ્યવસાયમાંથફ સમય કાઢીને તેઓએ વાઈલ્ડ લાઇફ ફોટોગ્રાફીનો શોખ વિકસાવ્યો છે. વધુને વધુ લોકોએ આ ફોટોગ્રાફી પ્રદર્શન નિહાળવા અનુરોધ કરાયો છે.