જીલ્લા-તાલુકા પંચાયત અને નગરપાલિકામાં ભગવો લહેરાતા શહેર ભાજપ દ્વારા વિજયોત્સવઃ ફટાકડા ફોડયા-મોં મીઠા કર્યા

રાજકોટઃ ગુજરાતની ૩૧ જિલ્લા પંચાયત, ૨૩૧ તાલુકા પંચાયત તથા ૮૧ નગર પાલિકાની રવિવારે યોજાયેલ સામાન્ય ચૂંટણીનાં પરિણામો આજે જાહેરાત થયા હતા.જેમાં મોટાભાગની જીલ્લા-તાલુકા પંચાયત અને નગર પાલિકામાં ભાજપે બહુમતી મેળવતા રાજકોટ શહેર ભાજપ કાર્યાલય ખાતે પ્રદેશ અગ્રણી નીતિન ભારદ્વાજ તથા શહેર ભાજપ પ્રમુખ કમલેશ મીરાણીની ઉપસ્થિતીમાં ફટાકડા ફોડી, મોં મીઠા કરી વિજયોત્સવની ઉજવણી કરવામાં આવી હતી. આ ઉજવણી કાર્યક્રમમાં શહેર ભાજપ મહામંત્રી જીતુ કોઠારી, રાજુ ધ્રુવ, કિશોર રાઠોડ , મનીષ રાડીયા, અશ્વિન મોલીયા, વિક્રમ પુજારા, અનિલભાઇ પારેખ, હરેશ જોશી, જયંત ઠાકર સહિતનાં કાર્યકરો અને આગેવાનો જોડાયા હતા. તે વખતની તસ્વીર(તસ્વીરઃ અશોક બગથરીયા)