Gujarati News

Gujarati News

News of Saturday, 31st October 2020

એ ભડાકો કરશે એવી બીક લાગતાં રિવોલ્વર ઝુંટવી લીધાનું નિતીન નંદાનું રટણઃ રિમાન્ડની તજવીજ

હોટેલ સંચાલકની રિવોલ્વર લૂંટી લેનાર એકને એ-ડિવીઝન પોલીસે દબોચ્યો

રાજકોટ તા. ૩૧: રૈયા રોડ પર દ્વારકેશ પાર્ક સોસાયટી શેરી નં. ૬માં પુષ્કર ખાતે રહેતાં અને પરાપીપળીયા ગામે ખેતી તથા પુષ્કર નામે હોટેલ ચલાવતાં હિતેષ અમરાભાઇ હુંબલ (આહિર) (ઉ.વ.૩૩)ની રિવોલ્વર લૂંટી લેવાયાના ગુનામાં એ-ડિવીઝન પોલીસે એ કઆરોપી નિતીન મહેશભાઇ નંદા (કચ્છી ભાનુશાળી) (ઉ.વ.૨૫-રહે. વૈદિક વિહાર સોસાયટી, રામાણી પાર્ક સામે મોરબી રોડ)ને પકડી લઇ તેણે લૂંટેલી રિવોલ્વર અને છ કાર્ટીસ કબ્જે કરાયા છે. પોતાના પર ભડાકો થશે એવો ભય લાગતાં રિવોલ્વર પડાવી લીધાનું નિતીને રટણ કર્યુ હોઇ તેની વધુ પુછતાછ માટે રિમાન્ડ મેળવવા તજવીજ થઇ રહી છે.

ગાંધીગ્રામ પોલીસે હિતેષ હુંબલની ફરિયાદ પરથી પિયુષ ડેર તથા નંદો અને બે અજાણ્યા સામે આઇપીસી ૩૯૨, ૧૧૪, ૧૩૫ (૧) મુજબ લૂંટનો ગુનો નોંધ્યો હતો. હિતેષના બનેવી ઘનશ્યામભાઇને તેના મિત્ર જયદિપે ગાળો દીધી હોઇ તે અંગેના સમાધાનની વાત કરવા જયદિપના મિત્ર પિયુષ ડેરએ ઇન્દિરા સર્કલ પાસે બોલાવતાં હિતેષ તેના બનેવી ઘનશ્યામભાઇ સાથે ત્યાં ગયેલો ત્યારે પિયુષ ડેર, નિતીન નંદા સહિતે મારામારી કરી હતી અને હિતેષની પરવાનાવાળી છ કાર્ટીસ સાથેથી રિવોલ્વર લૂંટી લીધી હતી.

નિતીન જસાણી કોલેજમાં અભ્યાસ કરે છે. તે વિરાણી ચોકમાં હોવાની અને તેની પાસે લૂંટેલી રિવોલ્વર હોવાની બાતમી એ-ડિવીઝનના એએસઆઇ બી. વી. ગોહિલ, હેડકોન્સ. વી.ડી. ઝાલા અને કોન્સ. જગદીશભાઇ વાંકને મળતાં પીઆઇ સી. જી. જોષી, પીએસઆઇ જે. એમ. ભટ્ટ, હારૂનભાઇ ચાનીયા, મોૈલિકભાઇ સાવલીયા, મેરૂભા ઝાલા, નરેશભાઇ ઝાલા સહિતે તેને પકડી લીધો હતો. પ્રાથમિક પુછતાછમાં તેણે રટણ કર્યુ હતું કે સમાધાનની વાત વખતે ભડાકો થશે તેવો ભય લાગતાં રિવોલ્વર પડાવી લીધી હતી.

નિતીન નંદા અગાઉ નિર્લજ્જ હુમલો, અપહરણ અને ધમકીના ગુનામાં  સંડોવાચઇ ચુકયો છે. તેની વિશેષ પુછતાછ ડીસપી પ્રવિણકુમાર મીણા, એસીપી એસ.આર. ટંડેલની રાહબરીમાં થઇ રહી છે.

(12:48 pm IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • માતા વૈષ્ણોદેવીના મંદિરે કાલથી દરરોજ ૧૫,૦૦૦ યાત્રાળુઓ દર્શન કરવાની મંજૂરી : નોંધણી કાઉન્ટરો પર ભીડને રોકવા માટે ભકતોની ઓનલાઇન નોંધણી ચાલુ રહેશે access_time 2:28 pm IST

  • રાજ્યના અધિક મુખ્ય સચિવ સંગીતા સિંઘ આજે વયમર્યાદાના કારણે ગૃહ વિભાગમાંથી નિવૃત્ત થતા સરકારે તેમને રાજ્યના વિજીલન્સ કમિશનર તરીકે નિમણુંક આપી છેઃ અત્યાર સુધી આ જગ્યાનો વધારાનો હવાલો તેમની પાસે હતોઃ સંગીતા સિંઘને લાગુ પડતો વિગતવાર હૂકમ હવે પછી થશે access_time 5:11 pm IST