Gujarati News

Gujarati News

News of Thursday, 31st May 2018

બજરંગવાડીમાં બિલાલખાનની હત્યાના આરોપીની વચગાળાની જામીન અરજી રદ

ગુનાહિત ઈતિહાસ ધરાવતા નામચીન ફિરોજ ઉર્ફે આદીલે અરજી કરી હતી

રાજકોટ, તા. ૩૧ :. અહીંના ભોમેશ્વર વિસ્તારમાં ૧૮ વર્ષના વિદ્યાર્થી બિલાલખાન શબ્બીરખાન પઠાણની છરીનો ઘા મારીને હત્યા કરવા અંગે પકડાયેલ જામનગર રોડ ઉપર આવેલ વાંકાનેર સોસાયટીમાં રહેતા ફિરોઝ ઉર્ફે આદીલ હનીફ જુણેજાએ વચગાળાના જામીન પર છોડવા માટે કરેલ અરજીને એડી. સેસન્સ જજ શ્રી ઠક્કરે નકારી કાઢી હતી.

આ અંગેની વિગત એવી છે કે, આરોપી ફિરોઝ તા. ૨૮-૫-૧૧ના રોજ અહીંના બજરંગવાડી વિસ્તારમાં વિદ્યાર્થી બિલાલખાન પઠાણની છરીના ઘા મારીને હત્યા કરી હતી.

આ ગુનામાં આરોપી જેલમાં હોય તેના પુત્રની સ્કૂલ ફી ભરવા સહિતની તેના અભ્યાસને લગતી કામગીરી કરવા અંગે ટેમ્પરરી જામીન પર છૂટવા અરજી કરતા સરકારી વકીલ મહેશભાઈ જોષીએ રજુઆત કરેલ કે આરોપી ગુનાહીત ઈતિહાસ ધરાવે છે. તેની સામે ૨૯ જેટલા ગુનાઓ નોંધાયા છે. અગાઉ પણ પત્નિની ડીલીવરીના મુદ્દે વચગાળાના જામીન મેળવેલ. આમ વિવિધ કારણો બતાવી અવારનવાર ટેમ્પરરી જામીન મેળવવા અરજી કરે છે. આરોપી સામે ખૂન જેવો ગંભીર ગુન્હો હોય અરજી રદ કરવી જોઈએ.

ઉપરોકત રજૂઆત અને ગુનાહીત ઈતિહાસ ધ્યાને લઈને અધિક સેસન્સ જજ શ્રી ઠક્કરે આરોપીની વચગાળાના જામીન મળવાની અરજી રદ કરી હતી.

આ કામમાં સરકારપક્ષે એ.પી.પી. મહેશભાઈ જોષી રોકાયા હતા.

(4:25 pm IST)
  • વિશ્વમાં શાંતિ જાળવી રાખવા ભારતીય સૈનિકોએ સૌથી વધુ બલિદાન આપ્યું :યુનાઇટેડ નેશનના મહાસચિવ એન્ટોનિયા ગુટેરેસે 70માં સ્થાપના દિવસે કહ્યું કે શહીદી વહોરવામાં સૌથી વધુ જવાનો ભારતના છે.: છેલ્લાં 70 વર્ષમાં વિશ્વમાં થયેલા પીસકિપિંગ મિશનમાં ડ્યૂટી દરમિયાન સૌથી વધારે શાંતિદૂત ભારતના જ શહીદ થયા છે. 163 ભારતીયોએ માત્ર માનવતાને ખાતર બલિદાન આપ્યું access_time 1:26 am IST

  • કાલે FII HDFCમાં મોટાપાયે ખરીદી કરશેઃ બજારમાં સ્‍ટેબલ સ્‍થિતિઃ ઇન્‍ડેક્ષ ર૦પ સાથે ફરી ૩પ હજાર ઉપર : કાલે HDFC માં FII મોટા પાયે ખરીદી કરશેઃ આના કારણે શેર-બજારમાં શોર્ટ કવરીંગઃ ઇન્‍ડેક્ષ ર૦પ અપ સાથે ફરી ૩પ હજાર ઉપર ૩પ૧૧૧: તો નીફટી ૬૦ અપ સાથે ૧૦૬૭૪: ફયુચરનો આજે છેલ્લો દિવસ હોય તમામ શેરોમાં બાઇંગ access_time 4:13 pm IST

  • મેઘાલયમાં વિજય બાદ કોંગ્રેસ સૌથી મોટી પાર્ટી :મેઘાલયની અપાતી વિધાનસભા સીટ પર કોંગ્રેસની જીતથી સૌથી મોટી પાર્ટી બનવા છત્તા વિપક્ષમાં બેસશે:60 સભ્યોની વિધાનસભામાં કોંગ્રેસના હવે 21 ધારાસભ્યો થયા: સતાધારી એનપીપીથી એક સીટ વધુ છે :એનપીપીનાં નેતૃત્વવાળી સરકારમાં ભાજપના 2,યુડીપીના 6,પીડીએફના 4,એચએસપીડીપી2,એનસીપી 1,અને 2 અન્ય મળીને સરકાર બની છે access_time 1:17 am IST