Gujarati News

રાજકોટ તા. ૩૧: કાલથી રાજકોટ શહેર જીલ્લામાં કુલ ૭પ૪ વ્યાજબી ભાવની સસ્તા અનાજની, દુકાનો ઉપરથી બીપીએલ-એપીએલ-૧-એપીએલ-ર-અત્યોંદય- NFSA કાર્ડ હોલ્ડરોને અનાજનો જથ્થો મફત અને નિયત કરેલા ભાવ મુજબ તથા મફત ફુડ બાસ્કેટનું વિતરણ કરવા ઉમેરાયું છે.

આમાં જીલ્લા-શહેર માટે કમીટીઓ દુકાને-દુકાને મુકાઇ છે. શહેરમાં પોલીસ બંદોબસ્ત મુકાયો છે.

જે કાર્ડ NFSA યોજનામાં આવતા હશે તેમને વિનામૂલ્યે જથ્થો મળશે. બાકીનાને નિયત કરેલા ભાવ મુજબ જથ્થો અપાશે.

ઉપરોકત વિગત અનુક્રમ નં. ૧ થી ૩ માં દર્શાવેલ કેટેગરી મુજબના રેશનકાર્ડ ધારકોને વિનામુલ્યે ફુડ બાસ્કેટનું વિતરણ કરવા માટે નીચે મુજબની સુચનાઓ/ગાઇડલાઇન અનુસરવાની રહે છે.

(૪) તાલુકા કક્ષાએ દરેક વાજબી ભાવની દુકાને ચાર વ્યકિતની કમીટી બનાવી વિતરણ કરવામાં આવશે જેવા કે (૧) શિક્ષક (ર) ગ્રામ સેવક/તલાટી કમ મંત્રી (૩) સરપંચ (૪) પોલીસ/હોમગાર્ડ વિગેરે દ્વારા વિતરણ કરવામાં આવશે.

(પ) રાજકોટ શહેર વિસ્તારમાં એક શિક્ષક/પોલીસ/સેવાભાવી સંસ્થાનો સભ્ય આમ કુલ ૩ જણાની કમીટી દ્વારા વિતરણ કરવામાં આવશે.

(૬) પેહલી એપ્રિલ-ર૦ર૦થી રાજકોટ જિલ્લામાં આવેલ વાજબી ભાવની દુકાનો ઉપરથી એન.એફ.એસ.એ. રેશનકાર્ડ ધારકોને જ વિનામુલ્યે અનાજનું વિતરણ શરૂ કરવામાં આવશે.

(૭) રાજકોટ જિલ્લામાં આવેલ વ્યાજબી ભાવની દુકાને પરવાનેદારે ભારત સરકારની ગાઇડલાઇન સોશીયલ ડિસ્ટન્સ જાળવવા માટે દર ૧ મીટરના અંતરે પ૦ જેટલા ગોળ કુંડળા (વર્તુળ) કરી રેશનકાર્ડ ધારકોને તે જગ્યાએ ઉભા રાખી ક્રમાનુસાર વિતરણ કરવાનું રહેશે.