Gujarati News

રાજકોટ, તા. ૩૧ : રાજકોટ એસ.ટી. ડીવીઝનના ડિવીઝનલ નિયામક શ્રી દિનેશ જેઠવાએ સપાટો બોલાવી સમગ્ર ડિવિઝનમાં ગઇકાલે રાત્રે ૮ વાગ્યાથી રાત્રે ર સુધી દરોડાનો દોર-ચેકીંગનો દોર શરૂ કરતા સોંપો પડી ગયો હતો.

આ અંગે માહિતી આપતા ડીસી શ્રી દિનેશ જેઠવાએ 'અકિલા'ને જણાવેલ કે કુલ ૧ર સુપરવાઇઝરોની ટીમોએ રાજકોટ-જેતપુર-જસદણ-ગોંડલ-ધ્રાંગધ્રા-સુરેન્દ્રનગર ડેપો અને એ વિસ્તારમાં દરોડા પાડયા હતાં.

અંદાજે ૩૦થી વધુ બસો ચેક કરાઇ હતી, જેમાં ૩ જેટલા મુસાફરો ખુદાબક્ષ ઝડપાતા તમામને ૧૦ ગણો દંડ ફટકારી દેવાયો છે.

આ ઉપરાંત ૬ થી ૭ જેટલા ડ્રાઇવરો-કંડકટરો યુનિફોર્મ વગર ઝપટે ચડતા તેમને દંડ ફટકારાયો હતો.

શ્રી જેઠવાએ ઉમેર્યું હતું કે ત્રણ બસમાં રૂટ બપોરે નહોતા તે અંગે પણ કાર્યવાહી કરાઇ છે. એક બસમાં ભારોભાર ગંદકી જોવા મળી હતી. કુલ ૩૦થી વધુ બસો-ડેપોમાં ચેકીંગ કરાયું હતું.