Gujarati News

Gujarati News

News of Monday, 30th November 2020

સદ્દગુરૂ આશ્રમે 'અમૃતધારા'નું વિનામૂલ્યે વિતરણ

કફ, શરદી સહિત અનેક રોગો માટે ખૂબ જ ઉપયોગીઃ નવસેકા પાણીમાં અથવા સાકર કે મધમાં અમૃતધારાના એક-બે ટીપા નાંખી લઈ શકાય

રાજકોટઃ પ.પૂ.શ્રી રણછોડદાસબાપુ આશ્રમ, રાજકોટ પ.પૂ.શ્રી સદ્દગુરૂદેવ ભગવાનશ્રીએ બતાવેલ ઔષધીએ પ્રસાદ અમૃતધારાનું વિનામૂલ્યે વિતરણ કરવામાં આવે છે.

પ.પૂ.શ્રી સદ્દગુરૂદેવ ભગવાનશ્રી રણછોડદાસજીબાપુશ્રીએ માનવ સેવામાં ધર્મપણેતા હતા અને તેઓએ અનેક લોકોને ભોજન, નેત્રયજ્ઞ દ્વારા આંખ તથા અનેક રાહતકાર્યો થકી માનવસેવાનો ધર્મ સ્થાપયો હતો, અને એટલે જ તેઓને માનવ સેવામાં ધર્મ પ્રણેતા કહેવામાં આવે છે.

આવી જ તેઓની અનન્ય ઔષધીય પ્રસાદી વર્ષો પહેલા લોકોને રોગોમાંથી મુકિત આપવા માટે તેઓએ ઔષધીય રીત બતાવેલ હતી, જેને તેઓએ અમૃતધારા કહી હતી. જે અમૃતધારાનો પ્રયોગ માટે કપુર (રાસ કે ભીમસેની), મેન્થોલ, પીપરમેન્ટ, અજમાના ફુલ (થાયમોલ) સરખે ભાગે જરૂર મુજબ ૫૦/૧૦૦/૨૦૦ ગ્રામ ત્રણે વસ્તુ ભેગી કરવાથી ૨૪ કલાકમાં તે આપોઆપ પ્રવાહી બની જાય છે અને તે અમૃતધારા તરીકે ઓળખાય છે. આ ઔષધીય એરટાઈટ બોટલમાં રાખવામાં આવે છે.

કફ, શરદી વિગેરે માટે અમૃતધારા ઉત્તમ છે. અમૃતધારા ઉલ્ટી, ઝાડા, તાવ, શરદી, ખાંસી, માથાનો દુઃખાવો, પેટના રોગો (આફરો, મંદાગ્નિ, એસીડીટી) તથા  દાંતના રોગો પાયોરીયા, મોઢામાં પરૂ, હલતા, દુઃખતા દાંત, મોંની દુઃર્ગધ, વાયુ, સાંધાનો દુઃખાવો, રકત વિકાર, કફ, દમ, કાનનો દુઃખાવો, પરૂ નિકળવું, જંતુના ડંખ વિગેરેમાં અમૃતધારા ઉપયોગી છે.

જો કે ગુરૂદેવ જણાવેલ કે દુધ પીવડાવતી માતાએ અમૃતધારાનો ઉપયોગ ન કરવો, કારણ કે કપુર દુધને શુકવી નાંખે છે. અમૃતધારાની કોઈ આડ અસર નથી.

અમૃતધારા ઔષધ વાપરવાની રીતઃ- જરૂર પડે તો સીધો ઉપયોગ કરવો, નવશેકુ  પાણી, સાકર કે મધ સાથે અમૃતધારાનાં એક- બે ટીંપા લઈ શકાય છે.

અમૃતધારા મેળવવાનું સ્થળ- પ.પૂ.શ્રી રણછોડદાસબાપુ આશ્રમ, કુવાડવા રોડ, રાજકોટ મો.૯૫૮૬૩ ૦૮૧૭૮, ૮૪૬૦૯ ૨૮૫૦૮

(3:47 pm IST)
  • આજે છાયા ચંદ્રગ્રહણ : ભારતના પૂર્વ ભાગમાં દેખાશે : ગુજરાતમાં નહીં દેખાય ગ્રહણની અવધિ ૪ કલાકને ૨૩ મિનિટ : ગ્રહણ સ્પર્શ ૧૨ કલાકને ૫૯ મિનિટ ૪૧ સેકન્ડ : ગ્રહણ મોક્ષ : પ કલાક ૨૫ મિનિટ ૩૨ સેકન્ડ : ટેલિસ્કોપની મદદથી આ અવકાશી ખગોળીય ઘટના નિહાળી શકાશે : ગુજરાતમાં ગ્રહણ જોવા નહીં મળે : માત્ર ભારતના પૂર્વ વિભાગના અલ્હાબાદ, બાલી, ભાગલપુર, કટક સહીતના વિસ્તારોમાં જોવા મળશે : વિજ્ઞાન જાથા દ્વારા અવકાશી ખગોળી ઘટનાના અવલોકન : ગેરમાન્યતાના ખંડન સાથે લોકોને સાચુ માર્ગદર્શન આપવા ઠેરઠેર કાર્યક્રમો થશે તેમ જાથાના રાજયના ચેરમેન એડવોકેટ જયંત પંડયાની યાદીમાં જણાવાયુ છે access_time 11:25 am IST

  • બંગાળના અખાતમાં ડિપ્રેશન બન્યુ, ૨૪ કલાકમાં ડિપડિપ્રેશનમાં ફેરવાશે : દક્ષિણ - પૂર્વ બંગાળના અખાત ઉપર ડિપ્રેશન સર્જાયુ છે જે ડિપ ડિપ્રેશનમાં ફેરવાઈ જાય તેવી પૂરી સંભાવના હોવાનું હવામાન ખાતાએ જણાવ્યુ છે access_time 1:28 pm IST

  • શ્રીલંકાની રાજધાની કોલંબો નજીક આવેલી જેલમાં પુરાયેલા 175 કેદીઓ પૈકી 19 કોરોનાથી સંક્રમિત : જેલનો દરવાજો ખોલી નાખી કેદીઓએ ભાગવાની કોશિષ કરી : રસોડામાં અને રેકર્ડ રૂમમાં આગ લગાડી દીધી : જેલ અધિકારીઓ સાથે ઝપાઝપી દરમિયાન 8 કેદીઓના મૃત્યુ : જેલ અધિકારી સહીત 37 ઈજાગ્રસ્ત access_time 7:24 pm IST