Gujarati News

Gujarati News

News of Monday, 30th November 2020

ફાયર સેફટીમાં ક્ષતિઓ અંગે ૧૧ કોવિડ હોસ્પીટલોને નોટીસ

સરકારી અને ખાનગી કોવિડ હોસ્પીટલો ઉપરાંત અન્ય ર૦૦ હોસ્પીટલોમાં ફાયર સેફટીનું ચેકીંગઃનિલકંઠ, આયુષ, દેવ, હોપ, ક્રિષ્ના જેનેશીસ, સેલસ, રંગાણી, પરમ સહિતની હોસ્પીટલોમાં નાની-મોટી ક્ષતી દુર કરવા તાકીદ

રાજકોટ તા. ૩૦ :.. શહેરની ઉદય કોવિડ હોસ્પીટલનાં અગ્નિકાંડ બાદ મ.ન.પા. તંત્રએ  શહેરની કોવિડ અને નોન કોવિડ તમામ હોસ્પીટલોમાં ફાયરસેફટી સાધનો સહિતનું કડક ચેકીંગ શરૂ કર્યુ છે જે અંતર્ગત સિવીલ હોસ્પીટલ ઉપરાંત ર૧ ખાનગી હોસ્પીટલમાં ફાયર એન્ડ ઇમરજન્સી વિભાગે ફાયર સેફટી  અંગે કડક ચેકીંગ કર્યુ હતું. જેમાં ૧૧ હોસ્પીટલોમાં નાની-મોટી ક્ષતીઓ દેખાતાં તેનું સમાર કામ કરાવવાની તાકીદ કરતી નોટીસો અપાયેલ હતી.

આ અંગે ફાયર બ્રિગેડ સુત્રોનાં જણાવ્યા મુજબ નિલકંઠ, આયુષ, દેવ, શાંતિ, સૌરાષ્ટ્ર, હોપ, ક્રિષ્ના, જેનેશીસ, સેલસ, રંગાણી, પરમ, વગેરે ૧૧ જેટલી હોસ્પીટલોમાં ફાયર સેફટી, ઇલેકટ્રીક સાધનો, ગેસ પ્લાન્ટ, વેન્ટીલેટર વગેરેમાં નાની-મોટી ક્ષતિઓ જણાતા આ બાબતે નોટીસો અપાયેલ.

આ ઉપરાંત ર૦૦ જેટલી નોન કોવિડ હોસ્પીટલોમાં પણ ફાયર સેફટી અંગે ચેકીંગ ગઇકાલથી શરૂ કરી દેવાયાનું સુત્રોએ જણાવ્યું હતું.

(3:40 pm IST)
  • આજે ગુરૂનાનક જયંતિઃ કોરોના સંક્રમણ ધ્યાને લઇ જાહેર ઉજવણી બંધ : ઘેર ઘેર દીપ પ્રાગટય કરાશે : પ્રસાદ ફુડ પેકેટરૂપે અપાશે : શીખ અને સિંધી સમાજના હૈયે છવાતો ઉમંગ : ગુરૂદ્વારાઓમાં થશે સિમિત સંખ્યામાં પુજા અર્ચના : અખિલ વિશ્વ ગાયત્રી પરિવાર દ્વારા પણ દિપાંજલીનું આયોજન : રાજકોટના સદર બજાર ગુરૂદ્વારામાં સાદગીપૂર્ણ થશે ઉજવણી access_time 11:25 am IST

  • ઈરાની ચક્રાવાત નિવારના પસાર થયા બાદ હવે તેની અસર દેખાઈ : આગામી 24થી 36 કલાક સુધી ભારતના કેટલાક વિસ્તારોમાં વરસાદની શક્યતા : ઠંડીનું જોર પણ વધશે : હવામાન વિભાગની આગાહી access_time 1:02 pm IST

  • ઇન્ડોનેશિયામાં જ્વાળામુખી ફાટ્યો : 4 હજાર મીટર જેટલી ઉંચી અગ્નિની જ્વાળાઓ પહોંચી : 28 ગામોના હજારો નાગરિકોનું સ્થળાંતર કરાયું : સ્થાનિક એરપોર્ટ બંધ કરી દેવાયું : ઇન્ડોનેશિયામાં આવા 120 જેટલા જ્વાળામુખી છે access_time 5:56 pm IST