Gujarati News

Gujarati News

News of Monday, 30th November 2020

લૂંટ, મારામારી સહિત ૨૭ ગુનામાં સામેલ આકાશ ઉર્ફે મરચો બાબરીયા છરી સાથે પકડાયો

થોરાળા પોલીસે ભાવનગર રોડ ટ્રેકટર ચોક પાસેથી દબોચ્યો : ત્રણ દિ' પહેલા આશ્રમ રોડ પર રોહન રૈયાણી પર છરીથી હુમલો કર્યો હતો

રાજકોટ તા. ૩૦ : ભાવનગર રોડ ભાણજીબાપાના પુલ પાસે ટ્રેકટર ચોકમાંથી થોરાળા પોલીસે બાતમીના આધારે લૂંટ, મારામારી સહિતના ૨૭ ગુનામાં સામેલ મનહરપરાના શખ્સને છરી સાથે પકડી લીધો હતો.

મળતી વિગત મુજબ શહેર પોલીસ કમિશનર શ્રી મનોજ અગ્રવાલની સૂચનાથી થોરાળા પોલીસ મથકના પી.આઇ. જી.એમ.હડીયાના માર્ગદર્શન હેઠળ પીએસઆઇ જી.એસ.ગઢવી, હેડ કોન્સ. ભૂપતભાઇ વાસાણી, શૈલેષભાઇ ભીસડીયા, નરસંગભાઇ ગઢવી, વિજયભાઇ મેતા, જયદીપભાઇ ધોળકીયા, કિરણભાઇ પરમાર, યુવરાજસિંહ રાણા તથા રમેશભાઇ માલકીયા સહિત પેટ્રોલીંગમાં હતા ત્યારે કોન્સ. જયદીપભાઇ ધોળકીયા, કિરણભાઇ પરમાર તથા યુવરાજસિંહ રાણાને મળેલી બાતમીના આધારે ભાવનગર રોડ ભાણજીબાપાના પુલ પાસે ટ્રેકટર ચોકમાંથી જાહેરમાં છરી સાથે નીકળેલો આકાશ ઉર્ફે મરચો ઉર્ફે મચો હરીભાઇ બાબરીયા (ઉ.વ.૨૩) (રહે. મનહરપરા શેરી નં. ૭)ને પકડી લીધો હતો. આકાશ ઉર્ફે મરચો બાબરીયાએ ત્રણ દિવસ પહેલા આશ્રમ રોડ પર પારૂલ બગીચા પાસે ફૂડ ઝોનમાં ઉછીના પૈસા માંગી મિત્ર રોહન સુરેશભાઇ રૈયાણી (ઉ.વ.૨૪) (રહે. ઠાકોરદ્વાર સોસાયટી) પર છરી વડે હુમલો કર્યો હતો. તે અગાઉ ભકિતનગર, એ-ડીવીઝન, બી-ડીવીઝન, તાલુકા, થોરાળા અને માલવીયાનગર પોલીસ મથકમાં લૂંટ, મારામારી અને છરી સાથે સહિત ૨૭ ગુનામાં પકડાઇ ચૂકયો છે.

સુરેશ છરી સાથે પકડાયો

ગાંધીગ્રામ પોલીસ મથકના પીએસઆઇ આર.એસ.પટેલ, હેડ કોન્સ. ખોડુભા જાડેજા, કોન્સ. વનરાજભાઇ, દિવ્યરાજસિંહ, દિગ્વિજયસિંહ, બ્રીજરાજસિંહ તથા ગોપાલભાઇ સહિતે પેટ્રોલીંગ દરમિયાન સુરેશ કેશુભાઇ ઉકેડીયા (ઉ.વ.૧૯) (રહે. પોપટપરા શેરી નં. ૧૪)ને બાઇક પર છરી સાથે પકડી લીધો હતો.

(2:45 pm IST)
  • આજે ગુરૂનાનક જયંતિઃ કોરોના સંક્રમણ ધ્યાને લઇ જાહેર ઉજવણી બંધ : ઘેર ઘેર દીપ પ્રાગટય કરાશે : પ્રસાદ ફુડ પેકેટરૂપે અપાશે : શીખ અને સિંધી સમાજના હૈયે છવાતો ઉમંગ : ગુરૂદ્વારાઓમાં થશે સિમિત સંખ્યામાં પુજા અર્ચના : અખિલ વિશ્વ ગાયત્રી પરિવાર દ્વારા પણ દિપાંજલીનું આયોજન : રાજકોટના સદર બજાર ગુરૂદ્વારામાં સાદગીપૂર્ણ થશે ઉજવણી access_time 11:25 am IST

  • વિશ્વમાં કોરોનાના ૬.૩૦ કરોડથી વધુ કેસઃ ૧૪.૬૪ લાખ લોકોના મોત : વિશ્વમાં ૬,૩૦,પ૩,૦૦૦ કોરોનાના કેસઃ કુલ ૧૪,૬૪,૦૦૦ લોકોના મોતઃ ૪.૩પ કરોડ લોકો સાજા થયા છે છેલ્લા ર૪ કલાકમાં ૪.૯૬ લાખ કેસ આવ્યાઃ ૭ર૧૮ ના મોતઃ ભારતમાં કોરોનાનો મૃત્યુદર ૧૦૪૬ ટકા તો રિકવરી રેટ ૯૩.૬૮ ટકા છે access_time 11:26 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 11-30 વાગ્યા સુધીમાં કોરોનાના નવા 30,664 કેસ નોંધાયા : કુલ કેસની સંખ્યા 94, 62, 739 થઇ : એક્ટીવ કેસ 4,35,176 થયા : વધુ 41,427 દર્દીઓ સ્વસ્થ થતા કુલ 88,77,740 રિકવર થયા : વધુ 472 લોકોના મોત સાથે કુલ મૃત્યુઆંક 1,37, 649 થયો access_time 12:12 am IST