Gujarati News

Gujarati News

News of Monday, 30th November 2020

બેડી યાર્ડ પાસે રસ્તો ઓળંગી રહેલા ૮ વર્ષના રોહિતનું કાકાની નજર સામે એસટી બસની ઠોકરે ચડતાં મોત

મુળ મધ્યપ્રદેશના કાકો-ભત્રીજો પાણી ભરીને રોડ પસાર કરતાં હતાં ત્યારે બનાવ

રાજકોટ તા. ૩૦: બેડી માર્કેટ યાર્ડ પાસે પાણીના ટાંકા પાછળ રહેતાં મુળ એમપી અલીરાજપુરના ભાભરા તાબેના અમનકુવા ગામના ૮ વર્ષનો રોહિત રમેશભાઇ ભયડીયા ગઇકાલે ઘર નજીક રોડ ટપીને સામેની તરફ પાણી ભરવા ગયો હતો. ત્યાંથી પરત આવવા રસ્તો ઓળંગી રહ્યો હતો ત્યારે એસટી બસની ઠોકરે ચડી જતાં ગંભીર ઇજા થતાં મોત નિપજ્યું હતું.

બનાવની જાણ થતાં કુવાડવા રોડ પોલીસ મથકના પીએસઆઇ આર. કે. રાઠોડ સહિતે ઘટના સ્થળે પહોંચી કાર્યવાહી કરી હતી. પોલીસે મૃતક રોહિતના પિતા રમેશભાઇ કેદરસિંગ ભયડીયાની ફરિયાદ પરથી એસટી બસ નં. જીજે૧૮ઝેડ-૩૩૦૬ના ચાલક સામે ગુનો નોંધ્યો હતો.

મૃત્યુ પામનાર રોહિત માતા-પિતાનો એક જ પુત્ર અને બે બહેનનો એકનો એક મોટો ભાઇ હતો. તે રવિવારે સવારે સાડા પાંચેક વાગ્યે કાકા મહેશભાઇ કેદરસિંગ સાથે રોડના સામા કાંઠે પાણી ભરવા ગયો હતો. કાકો ભત્રીજો પરત ઘરે જવા રસ્તો ઓળંગી રહ્યા હતાં ત્યારે કાકાની નજર સામે જ ૮ વર્ષના રોહિતનું એસટી બસની ઠોકરે ચડી જતાં ગળા પર ખભા પર ગંભીર ઇજા થતાં ઘટના સ્થળે જ મોત નિપજ્યું હતું. મૃતદેહને અંતિમવિધી માટે એમપી વતન લઇ જવાયો હતો. મૃતકના પિતા ડ્રાઇવીંગ કરી ગુજરાન ચલાવે છે. (

(12:49 pm IST)
  • વિશ્વમાં કોરોનાના ૬.૩૦ કરોડથી વધુ કેસઃ ૧૪.૬૪ લાખ લોકોના મોત : વિશ્વમાં ૬,૩૦,પ૩,૦૦૦ કોરોનાના કેસઃ કુલ ૧૪,૬૪,૦૦૦ લોકોના મોતઃ ૪.૩પ કરોડ લોકો સાજા થયા છે છેલ્લા ર૪ કલાકમાં ૪.૯૬ લાખ કેસ આવ્યાઃ ૭ર૧૮ ના મોતઃ ભારતમાં કોરોનાનો મૃત્યુદર ૧૦૪૬ ટકા તો રિકવરી રેટ ૯૩.૬૮ ટકા છે access_time 11:26 am IST

  • શ્રીલંકાની રાજધાની કોલંબો નજીક આવેલી જેલમાં પુરાયેલા 175 કેદીઓ પૈકી 19 કોરોનાથી સંક્રમિત : જેલનો દરવાજો ખોલી નાખી કેદીઓએ ભાગવાની કોશિષ કરી : રસોડામાં અને રેકર્ડ રૂમમાં આગ લગાડી દીધી : જેલ અધિકારીઓ સાથે ઝપાઝપી દરમિયાન 8 કેદીઓના મૃત્યુ : જેલ અધિકારી સહીત 37 ઈજાગ્રસ્ત access_time 7:24 pm IST

  • બંગાળના અખાતમાં ડિપ્રેશન બન્યુ, ૨૪ કલાકમાં ડિપડિપ્રેશનમાં ફેરવાશે : દક્ષિણ - પૂર્વ બંગાળના અખાત ઉપર ડિપ્રેશન સર્જાયુ છે જે ડિપ ડિપ્રેશનમાં ફેરવાઈ જાય તેવી પૂરી સંભાવના હોવાનું હવામાન ખાતાએ જણાવ્યુ છે access_time 1:28 pm IST