Gujarati News

Gujarati News

News of Friday, 30th October 2020

ટેકાના ભાવે મગફળી વેંચવામાં પ ટકા ખેડૂતોને પણ રસ નથી : બોલાવ્યા પ૯૬૦૧ને આવ્યા માત્ર ર૭૭૬

ખુલ્લા બજારમાં પુરતા ભાવ મળતા હોવાથી ખેડૂતો રાજી

રાજકોટ, તા. ૩૦ :  રાજય સરકારે તા. ર૧ થી નાગરિક પુરવઠા નિગમના માધ્યમથી ટેકાના ભાવે મગફળી ખરીદી શરૂ કરી છે. અત્યાર સુધી સરકારે જેટલા ખેડૂતોને મગફળી લઇને આવવા મેસેજ કર્યા છે. તે પૈકી માત્ર ૪.પ ટકા જેટલા જ ખેડૂતો આવ્યા છે. ખુલ્લા બજારમાં ટેકાના ભાવ જેટલા અથવા તેથી વધુ ભાવ અને ત્વરિત નાણા મળતા હોવાથી ખેડૂતો સરકારી પ્રક્રિયામાં પડવા માંગતા નથી. સરકારની ખરીદી ચાલુ હોવાથી ખુલ્લા બજારમાં ખેડૂતોને પોષણક્ષમ ભાવ મળી રહ્યા છે.

સરકારી સુત્રોના જણાવ્યા મુજબ કુલ ૪,૭૦,૩૭૮ ખેડૂતોએ મગફળી વેચવા ઓનલાઇન નોંધણી કરાવેલ. જેમાંથી આજે સવાર સુધીની સ્થિતિ મુજબ પ૯૬૦૧ ખેડૂતોને એસ.એમ.એસ. કરાયેલ. મગફળી વેચવા માટે અત્યાર સુધીમાં માત્ર ર૭૭૬ ખેડૂતો આવ્યા છે. જેમાંથી ર૪૧ ખેડૂતોની મગફળી ભેજ કે અન્ય કારણસર નામંજુર થઇ છે. રપ૩પ ખેડૂતોએ મગફળી વેંચી છે. ખેડૂતોને રૂ. ર૪૬૦ લાખ ચુકવવા પાત્ર વેંચી છે. ખેડૂતોને રૂ. ર૪૬૦ લાખ ચુકવવા પાત્ર થયા છે. જો કે આ વખતે પબ્લીક ફંડ મેનેજમેન્ટ થયા છે. જો કે આ વખતે પબ્લીક ફંડ મેનેજમેન્ટ  સિસ્ટમ અમલમાં હોવા છતાં આજ સુધી એક પણ ખેડૂતને નાણા ચુકવાયા નથી ગયા વર્ષે નોંધાયેલા કુલ ખેડૂતો પૈકી બાવન ટકા જેટલાએ મગફળી વેંચી હતી. આ વખતે આ આંકડો ઘણો નીચો રહેશે તેમ જણાય છે.

(3:21 pm IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST