Gujarati News

Gujarati News

News of Friday, 30th October 2020

જામનગર રોડ પર યુવાનને માર મારી લુંટી લેનાર યાસીન ઉર્ફ ભુરો પકડાયોઃ આકરી પુછતાછ

અમારા નાસ્તાના પૈસા તું આપી દેજે કહી ૧૫ દિ' પહેલા ડખ્ખો કર્યો'તો : પોલીસ કમિશનર કચેરીના લિમડા નીચે લઇ જઇ પ્ર.નગર પોલીસે કાયદો સમજાવ્યો

રાજકોટ તા. ૩૦: પંદર દિવસ પહેલા જામનગર રોડ પર ઇંડાની લારીએ નાસ્તો કરવા ગયેલા યુવાનને 'અમારા નાસ્તાના પૈસા પણ તું આપી દેજે' તેમ કહી હુમલો કરી સોનાના ચેઇનની લૂંટ ચલાવવામાં આવી હતી. આ ગુનામાં ફરાર જામનગર રોડ સ્લમ કવાર્ટર પાસે હુડકોમાં રહેતાં યાસીન ઉર્ફ ભુરો ઓસમાણભાઇ કઇડા (ઉ.વ.૩૨)ને પ્ર.નગર પોલીસે ઝડપી લઇ કાયદાનું ભાન કરાવ્યું છે.

યાસીનને પોલીસ કમિશનર કચેરીના લિમડા નીચે લઇ જઇ તેની આકરી સરભરા કરી કાયદાનું ભાન કરાવવામાં આવ્યું હતું. પોલીસ કમિશનરશ્રી મનોજ અગ્રવાલ, જેસીપી ખુરશીદ અહેમદ, ડીસીપી મનોહરસિંહ જાડેજા, એસીપી પી. કે. દિયોરાએ ફરાર ગુનેગારોને શોધી કાઢવા સુચના આપી હોઇ પીઆઇ એલ. એલ. ચાવડા, પીએસઆઇ બી. વી. બોરીસાગર, હેડકોન્સ. સી. જે. ઝાલા, હેડકોન્સ. કે. એન. ગોહિલ, કોન્સ. આનંદભાઇ મકવાણા તથા લોકરક્ષક રસિકભાઇ ધાંધલ સહિતના પેટ્રોલીંગમાં હતાં ત્યારે માહિતી મળતાં યાસીન ઉર્ફ ભુરાને પકડી લેવાયો હતો. આ શખ્સ અગાઉ મારામારીમાં સંડોવાઇ ચુકયો છે અને પાસાની હવા પણ ખાઇ આવ્યો હોવાનું પોલીસ સુત્રોએ જણાવ્યું હતું.

(2:48 pm IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST