Gujarati News

Gujarati News

News of Friday, 30th October 2020

સ્કોચ એવોર્ડ મેળવવા બદલ રાજકોટ પોલીસને અભિનંદન પાઠવતા મુખ્યમંત્રી વિજયભાઇ રૂપાણી

રેન્જ આઇજી સંદિપસિંઘ, કલેકટર રેમ્યા મોહન, રૂરલ એસપી બલરામ મીણાની ઉપસ્થિતિ

રાજકોટ,તા. ૩૦: સૌરાષ્ટ્રના પાટનગર સમા રાજકોટમાં કોરોના વાયરસના સંક્રમણને અટકાવવા માટે લાગુ પાડવામાં આવેલા લોકડાઉન દરમ્યાન જાહેર જનતાની સલામતી અર્થે કાયદો અને વ્યવસ્થા જાળવવા ટેકનોલોજીના નવતર વિનિયોગ સાથે માનવતાભર્યા જનસેવાના કાર્યો બદલ રાજકોટ પોલિસને સ્કોચગોલ્ડ એવોર્ડ એનાયત કરવામાં આવ્યો હતો.

મુખ્યમંત્રીશ્રી વિજયભાઇ રૂપાણીએ  રાજકોટ ખાતેની મુલાકાત દરમીયાન પોલિસ કમિશ્નરશ્રી મનોજ અગ્રવાલને આ એવોર્ડ બદલ અભિનંદન પાઠવ્યા હતા. આ પ્રસંગે રેન્જ આઈ.જી. શ્રી સંદિપ સીંદ્ય, જિલ્લા કલેકટર શ્રી રેમ્યા મોહન, પોલીસ અધિક્ષક શ્રી બલરામ મીણા ઉપસ્થિત રહ્યા હતા.

સ્કોચ ગ્રૂપ એભારતની થિંક ટેન્ક છે. જેમાં દેશના વિકાસ-વૃદ્ઘિ આધારિત સામાજિક-આર્થિક મુદ્દાઓનો સમાવેશ કરવામાં આવે છે. તેના આધારે થયેલી શ્રેષ્ઠ કામગીરીને બિરદાવીને અન્ય લોકોને પ્રેરણા પુરી પાડે છે. સમગ્ર ભારતભરમાંથી કુલ ૪૦૦૦ પોલિસ ડિપાર્ટમેન્ટ તથા વહિવટી તંત્ર દ્વારા ઉમેદવારી નોંધાવવામાં આવી હતી. જે પૈકી કુલ ૩૦૦ ઉમેદવાર ટીમોને મેરીટ્સ એવોર્ડ આપવામાં આવ્યો હતો. જે પૈકી સેમીફાઈનલમાં સમાવેશમાં પસંદ થયેલ ૬૦ ઉમેદવાર ટીમો પૈકી રાજકોટ શહેર પોલીસનેસ્કોચ ગોલ્ડ એવોર્ડ એનાયત કરવામાં આવ્યો હતો.

(12:52 pm IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST