Gujarati News

Gujarati News

News of Friday, 30th October 2020

રાજકોટ જેલમાંથી પેરોલ બાદ આજીવન કેદનો કેદી મોરબીથી ઝડપાયો

મોરબી,તા. ૩૦: રાજકોટ મધ્યસ્થ જેલમાંથી પેરોલ રજા પરથી ફરાર થયેલ આજીવન કેદની સજા પામેલ પાકા કામના કેદીને મોરબી પેરોલ ફર્લો સ્કવોડ ટીમે મોરબી ખાતેથી ઝડપી લઈને રાજકોટ મધ્યસ્થ જેલમાં મોકલવા તજવીજ હાથ ધરી છે

પોલીસ મહાનિર્દેશક અને મુખ્ય પોલીસ અધિકારી ગુજરાત રાજય દ્વારા તા. ૨૭-૧૦ થી ૦૪-૧૧ સુધી પોલીસ જાપ્તા, વચગાળા અને જેલ ફરારી આરોપીઓને ઝડપી લેવા ડ્રાઈવનું આયોજન કર્યું હોય જેમાં મોરબી જીલ્લા એસપી એસ આર ઓડેદરાના માર્ગદર્શન હેઠળ પીઆઈ વી બી જાડેજાની ટીમના પેરોલ ફર્લો સ્કવોડ ટીમ પેટ્રોલિંગમાં હોય દરમિયાન મોરબી સીટી માં હત્યાના ગુન્હામાં તા. ૨૮-૦૨-૨૦૦૫ ના રોજ આજીવન કેદની સજા પામેલ સંજયસિંહ નટુભા ઝાલા રાજકોટ મધ્ય જેલ ખાતે સજા ભોગવતો હોય અને તા. ૧૦-૦૪ થી ૧૦-૦૭ સુધીની પેરોલ રજા પર મુકત થયો હોય કેદીને પેરોલ રજા પરથી તા. ૧૦-૦૭ ના હાજર થવાનું હતું પરંતુ કેદી હાજર નહિ થતા ફરાર થયો હતો જેને ઝડપી લેવા પેરોલ ફર્લો સ્કવોડ ટીમે તપાસ ચલાવી હતી અને કેદી સંજયસિંહ નટુભા ઝાલા (ઉ.વ.૪૩) રહે હાલ મોરબી બાયપાસ રોડ વાળાને ઝડપી લઈને રાજકોટ મધ્યસ્થ જેલમાં મોકલવા તજવીજ હાથ ધરી છે.

(12:51 pm IST)
  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST