Gujarati News

Gujarati News

News of Friday, 30th October 2020

પીપળીયામાં વાડીએ બેભાન થઇ જતાં ગોરધનભાઇ રોળીયાનું મોત

રૂખડીયાપરાના રમેશભાઇએ પણ બેભાન હાલતમાં દમ તોડ્યો

રાજકોટ તા. ૩૦: કુવાડવાના પીપળીયા ગામે રહેતાં ગોરધનભાઇ જીવાભાઇ રોળીયા (કોળી) (ઉ.વ.૪૫) પોતાની વાડીએ હતાં ત્યારે અચાનક બેભાન થઇ જતાં રાજકોટ સિવિલ હોસ્પિટલમાં ખસેડાયા હતાં. પરંતુ અહિ મોત નિપજતાં હોસ્પિટલ ચોકીના રાજુભાઇ ગીડાએ કુવાડવા પોલીસને જાણ કરતાં એએસઆઇ એન. આર. વાણીયાએ જરૂરી કાર્યવાહી કરી હતી.

મૃત્યુ પામનારને સંતાનમાં બે પુત્ર છે. પોતે પાંચ ભાઇ અને બે બહેનમાં વચેટ હતાં અને ખેત મજુરી કરતાં હતાં. હાર્ટએટેક આવી ગયાનું પરિવારજનોએ કહ્યું હતું. બીજા બનાવમાં રૂખડીયા પરા ફાટક પાસે રહેતાં રમેશભાઇ મહાદેવભાઇ આદ્રોજીયા (દેવીપૂજક) (ઉ.વ.૪૭) બિમાર હોઇ ઘરે બેભાન થઇ જતાં સિવિલમાં ખસેડાયા હતાં. પરંતુ અહિ મોત નિપજતાં પરિવારમાં શોક છવાઇ ગયો હતો. ચોકીના હેડકોન્સ. રાજુભાઇ ગીડાએ પ્ર.નગરમાં જાણ કરતાં એએસઆઇ કનુભાઇ માલવીયાએ જરૂરી કાર્યવાહી કરી હતી. મૃતકને સંતાનમાં એક પુત્રી અને ચાર પુત્ર છે.

(11:31 am IST)
  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST