Gujarati News

Gujarati News

News of Friday, 30th October 2020

૮૦ ફુટ રોડ પર જલ્પા અને ચાપડી ઉંધીયાના ધંધાર્થીની પત્નિ ફોરમ વચ્ચે ડખ્ખો થતાં જલ્પા ફિનાઇલ પી ગઇ

ચાપડીની રેકડીએ કામ કરતાં પતિ અશોકને જલ્પા તેડવા આવતાં ચડભડ થયા બાદ મારામારીઃ ફોરમ અને તેનો પતિ વિશાલ મુળ ગોંડલ ચોરડીના વતનીઃ અશોકને ચોરડી ગામે લઇ જવા મામલે ડખ્ખો

રાજકોટ તા. ૩૦: વાણીયાવાડી મેઇન રોડ પર રહેતી જલ્પા અશોક વાળોતરીયા (આહિર) (ઉ.વ.૨૫) નામની પરિણીતા અને શેઠ હાઇસ્કૂલ સામે આશાપુરા ચાપડી ઉંધીયુ નામે રેંકડી રાખી ધંધો કરતાં ગોંડલના ચોરડી ગામના વિશાલ હદવાણી (પટેલ)ની પત્નિ ફોરમ વચ્ચે રાતે ચડભડ-મારામારી થયા બાદ જલ્પા ફિનાઇલ પી જતાં સિવિલ હોસ્પિટલમાં ખસેડાઇ હતી.

જલ્પાએ જણાવ્યું હતું કે તેના લગ્ન છ વર્ષ પહેલા અશોક સાથે થયા છે અને સંતાનમાં એક પુત્ર છે. પતિ અશોક વિશાલની ચાપડી ઉંધીયાની લારીએ કામ કરે છે. થોડા દિવસથી પોતાને પતિ અશોક સાથે માથાકુટ ચાલતી હોઇ તે ઘરે આવતો નહોતો. ગત રાતે પોતે પતિને તેડવા ગઇ ત્યારે ચાપડીવાળા વિશાલની ઘરવાળી ફોરમે આ બાબતે માથાકુટ કરી હતી અને અશોકને પોતાના ગામ ચોરડી લઇ જવાની વાત કરતાં ઝઘડો થતાં પોતાને માઠુ લાગતાં ફિનાઇલ પી લીધી હતી.

બીજી તરફ ફોરમ વિશાલ હદવાણી (ઉ.વ.૨૨-રહે. ચોરડી તા. ગોંડલ) પણ પોતાને ચાપડી ઉંધીયાની રેંકડી પાસે જલ્પા અને તેની માતા કલ્પનાબેને  ઝઘડો કરી ઢીકા-પાટુનો માર માર્યાની ફરિયાદ સાથે સિવિલ હોસ્પિટલમાં દાખલ થઇ હતી. હોસ્પિટલ ચોકીના દેવરાજભાઇ નાટડાએ ભકિતનગર પોલીસમાં બંને એન્ટ્રી નોંધાવી હતી.

(11:30 am IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST